વરસાદી માહોલમાં ટ્રાય કરો સ્વાદિષ્ટ ચના દાલ પકોડા, વારંવાર કરશે ખાવાનું મન

વરસાદી માહોલમાં કંઈક મસાલેદાર ખાવાનું મન થાય છે. આવી સ્થિતિમાં, જો તમે પણ સાંજે નાસ્તા તરીકે કંઈક મસાલેદાર બનાવવા માગો છો, તો આ રેસિપી ખાસ તમારા માટે જ છે. આજે અમે તમને એક એવી વાનગી વિશે જણાવીશું જેને તમે ઓછા સમયમાં ઘરે તૈયાર કરી શકો છો.

ટેસ્ટી ચણા દાળ પકોડા

ચણાની દાળના પકોડા ખાવામાં ટેસ્ટી હોવા ઉપરાંત સ્વાસ્થ્ય માટે પણ ફાયદાકારક માનવામાં આવે છે. ચાલો જાણીએ એ ખાસ વાનગી વિશે. વરસાદની મોસમમાં સાંજે ચણાની દાળના પકોડા ખાવા મળે તો મજા જ પડી જાય છે. જો તમે પણ ચણાની દાળના પકોડા બનાવવા માગો છો તો તમે આ ખાસ રેસિપી ફોલો કરી શકો છો.

ચણા દાળ પકોડા માટેની સામગ્રી

ચણાની દાળના પકોડા બનાવવા માટે તમારે આ સામગ્રીની જરૂર પડશે. જેમ કે,
1 કપ પલાળેલી ચણાની દાળ,
1/2 કપ બારીક સમારેલી ડુંગળી,
2 લીલા મરચાં,
1/4 કપ લીલા ધાણા,
1 ઇંચ છીણેલું આદુ,
1/2 ચમચી જીરું,
1/2 ચમચી હિંગ,
1/2 ચમચી હળદર,
1/2 ચમચી લાલ મરચું પાવડર,
1/2 ચમચી ધાણા પાવડર,
1/4 ચમચી ગરમ મસાલો,
સ્વાદ મુજબ મીઠું અને તેલ. 
આ બધી સામગ્રીનો ઉપયોગ કરીને તમે સરળતાથી ચણા દાળ પકોડા બનાવી શકો છો.

ચણા દાળ પકોડા બનાવવાની રીત

ચણાની દાળ પકોડા બનાવવા માટે સૌપ્રથમ પલાળેલી દાળને મિક્સરમાં પીસીને પેસ્ટ બનાવી લો. ધ્યાન રાખો કે પેસ્ટ વધારે જાડી ન હોવી જોઈએ, આ પછી તમે દાળની પેસ્ટમાં બારીક સમારેલી ડુંગળી, લીલા મરચાં, ધાણા, આદુ, જીરું, હિંગ, હળદર પાવડર, લાલ મરચું પાવડર, મીઠું, ગરમ મસાલો અને ધાણા પાવડર મિક્સ કરી શકો છો. અને તેને સારી રીતે તૈયાર કરો.

નાના બોલ બનાવો અને કડાઈમાં તેલ લો

હવે એક કડાઈમાં તેલ ગરમ કરો અને જ્યારે તેલ બરાબર ગરમ થઈ જાય ત્યારે પેસ્ટમાંથી નાના-નાના બોલ બનાવીને તેલમાં નાખો, પછી આ પકોડાને સારી રીતે તળી લો. જ્યારે પકોડા સોનેરી થવા લાગે ત્યારે તેને પ્લેટમાં કાઢીને દહીં અથવા લીલી ચટણી કે ટોમેટો સોસ સાથે સર્વ કરો.

તમારી પસંદગી મુજબ શાકભાજી ઉમેરો

જો તમે ઈચ્છો તો આ પકોડામાં તમારી પસંદગીના શાકભાજી ઉમેરી શકો છો અથવા તમારી પસંદગી મુજબ મસાલા ઉમેરી શકો છો. પકોડાને વધુ સ્વાદિષ્ટ બનાવવા માટે તમે તેમાં ચણાનો લોટ પણ ઉમેરી શકો છો. મહેમાનો માટે પણ તમે આ પકોડા તૈયાર કરી શકો છો.