મંદિરોની નગરી તરીકે ઓળખવામાં આવે છે દેશના આ પ્રખ્યાત શહેરો, અહીં આવીને થશે શાંતિનો અનુભવ

ભારત વિવિધતા ધરાવતો દેશ છે. અહીં દર 2 કિલોમીટરના અંતરે તમને એક મંદિર જોવા મળશે, જે આસપાસના વિસ્તારોમાં કોઈને કોઈ રીતે પ્રખ્યાત છે. પૂર્વથી પશ્ચિમ અને ઉત્તરથી દક્ષિણ ભારતમાં ઘણા રાજ્યો અને શહેરો છે જ્યાં એક પવિત્ર અને પ્રખ્યાત મંદિર છે. એટલા માટે દેશના ઘણા shaheroને મંદિરની નગરી તરીકે પણ ઓળખવામાં આવે છે.

આ લેખમાં અમે તમને દેશના એવા શહેરો વિશે જણાવવા જઈ રહ્યા છીએ, જેને ઘણા લોકો મંદિરોના શહેર તરીકે પણ ઓળખે છે. જો તમે તમારા પરિવાર અથવા મિત્રો સાથે ધાર્મિક યાત્રા પર જવા માંગતા હોવ, તો આ સ્થળોની મુલાકાત લઈ શકો છો.

ઋષિકેશ

ઋષિકેશ એ દેશનું એક એવું સ્થળ છે જે યોગ નગરી અને મંદિરોના શહેર તરીકે પણ ઓળખાય છે. ઋષિકેશ ઉત્તરાખંડનું હિલ સ્ટેશન પણ છે. ગંગા નદીના કિનારે વસેલું આ શહેર તેની સુંદરતાની સાથે સાથે ધાર્મિક સ્થળોને કારણે દુનિયાભરમાં લોકપ્રિય છે.

ઋષિકેશમાં ઘણા એવા પ્રાચીન અને પવિત્ર મંદિરો છે, જેને જોવા માટે ભારતના દરેક ખૂણેથી પ્રવાસીઓ આવતા રહે છે. આ શહેર નીલકંઠ મહાદેવ મંદિર, ભારત માતા મંદિર, કૈલાશ નિકેતન મંદિર, ત્ર્યંબકેશ્વર મંદિર, કુંજપુરી દેવી મંદિર, શત્રુઘ્ન મંદિર અને ભૂતનાથ મંદિર જેવા અનેક નાના-મોટા મંદિરો માટે ભારતભરમાં પ્રખ્યાત છે. આ મંદિરોમાં દરરોજ હજારો ભક્તો દર્શન કરવા આવે છે.

વારાણસી

જો ભારતના સૌથી પ્રાચીન અને પવિત્ર શહેરનું નામ લેવામાં આવે તો વારાણસીનું નામ ચોક્કસપણે લેવામાં આવે છે. ગંગા નદીના કિનારે વસેલું વારાણસી ઉત્તર પ્રદેશનું પ્રસિદ્ધ અને પવિત્ર શહેર છે. આ પવિત્ર શહેરને બનારસ અને કાશીના નામથી પણ ઓળખવામાં આવે છે. વારાણસીને પણ મંદિરોની નગરી કહી શકાય છે.

વારાણસી શહેર ઘણા પવિત્ર અને વિશ્વ પ્રસિદ્ધ મંદિરો માટે પણ જાણીતું છે. આ શહેર શ્રી કાશી વિશ્વનાથ મંદિર, મા અન્નપૂર્ણા મંદિર, સંકઠા મંદિર, કાલ ભૈરવ મંદિર, મૃત્યુંજય મહાદેવ મંદિર, વિશ્વનાથ મંદિર BHU, તુલસી માનસ મંદિર અને સંકટમોચન મંદિર જેવા અન્ય ઘણા પવિત્ર મંદિરો માટે પણ પ્રખ્યાત છે.

વૃંદાવન

ઉત્તર પ્રદેશના મથુરામાં આવેલું વૃંદાવન ભગવાન શ્રી કૃષ્ણની બાળલીલાનું સ્થળ માનવામાં આવે છે. ઘણા લોકો વૃંદાવનને કૃષ્ણનગરીના નામથી પણ જાણે છે. તેથી જ અહીં દરરોજ હજારો કૃષ્ણ ભક્તો દર્શન કરવા આવે છે.

વૃંદાવન ભગવાન શ્રી કૃષ્ણની બાળલીલા તેમજ ઘણા પવિત્ર અને પ્રખ્યાત મંદિરો માટે વિશ્વભરમાં પ્રખ્યાત શહેર માનવામાં આવે છે. અહીં તમે શ્રી કૃષ્ણ જન્મભૂમિ મંદિર, દ્વારકાધીશ મંદિર, પ્રેમ મંદિર, બાંકે બિહારી મંદિર, નંદ મહેલ મંદિર, જુગલ કિશોર મંદિર, જયપુર મંદિર અને શાહજી મંદિર જેવા અન્ય ઘણા નાના-મોટા મંદિરોની મુલાકાત લઈ શકો છો.

હમ્પી

હમ્પી કર્ણાટકનું એક નાનું, પરંતુ ખૂબ જ સુંદર અને ઐતિહાસિક શહેર છે. આ શહેર મધ્યકાલીન હિંદુ રાજ્ય વિજયનગર સામ્રાજ્યની રાજધાની હતું. તુંગભદ્રા નદીના કિનારે વસેલું આ શહેર તેની અનેક વિશેષતાઓને કારણે યુનેસ્કોની વર્લ્ડ હેરિટેજ સાઇટ પણ છે.

હમ્પી શહેર તેની સુંદરતા તેમજ ઘણા પ્રાચીન અને પવિત્ર મંદિરો માટે વિશ્વભરમાં પ્રખ્યાત છે. હમ્પીમાં તમે વિરુપક્ષ મંદિર, વીરભદ્ર મંદિર, કૃષ્ણ મંદિર, હજારા રામ મંદિર, અચ્યુત રાય મંદિર અને વિઠ્ઠલ મંદિર જેવા અન્ય ઘણા મંદિરોની મુલાકાત લઈ શકો છો. આ મંદિરોને કારણે હમ્પીને મંદિરોની નગરી તરીકે પણ ઓળખવામાં આવે છે.

કર્ણાટક

આ શહેરો સિવાય ભારતનું કર્ણાટક રાજ્ય પણ અનેક મંદિરો માટે પ્રખ્યાત છે તમે કર્ણાટકમાં સ્થિત ઘણા પ્રાચીન અને પવિત્ર મંદિરો જેમ કે શ્રી કૃષ્ણ મંદિર ઉડુપી, વિદ્યાશંકર મંદિર, કેશવ મંદિર, મહાબળેશ્વર મંદિર, મુરુદેશ્વર મંદિર, દુર્ગાપરમેશ્વરી મંદિર, શ્રી વિરુપક્ષેશ્વર મંદિર, શ્રીરંગપટના મંદિર અને શ્રિંગેરી જેવા પ્રાચીન અને પવિત્ર મંદિરોની મુલાકાત લઈ શકો છો.