Diwali 2024 Recipes / દિવાળીના દિવસે ભોજન સાથે સર્વ કરો આ રિફ્રેશિંગ મોકટેલ
તહેવારોની સિઝન ચાલી રહી છે અને થોડા દિવસોમાં કાજુ કતલી, ગુલાબ જામુન અને સોન પાપડીના બોક્સની આપ-લે શરૂ થ
તહેવારોની સિઝન ચાલી રહી છે અને થોડા દિવસોમાં કાજુ કતલી, ગુલાબ જામુન અને સોન પાપડીના બોક્સની આપ-લે શરૂ થશે. દિવાળીની પાર્ટીમાં મિત્રોની અવરજવર થવા લાગશે. આ તહેવારને વધુ ભવ્ય બનાવવા માટે, મીઠાઈ અને નાસ્તા બનાવવામાં આવશે.
તહેવાર દરમિયાન સવારથી જ અલગ અલગ વસ્તુ ખાવા-પીવાનું ચાલુ રહે છે, આવી સ્થિતિમાં વધુ પડતું ઓઈલી ફૂડ ખાવાથી આપણા શરીર પર અસર થાય છે. આવી સ્થિતિમાં, તમે તહેવાર દરમિયાન ભોજનની સાથે રિફ્રેશિંગ મોકટેલ પણ સર્વ કરી શકો છો, જે તમારી અને તમારા ઘરે આવેલા મહેમાનોની પાચનશક્તિ માટે ફાયદાકારક રહેશે.
પાઈનેપલ ટેન્ગી ફિઝ
સામગ્રી
- 1 કપ તાજા પાઈનેપલનો રસ
- 1 ચમચી લીંબુનો રસ
- ½ ચમચી કાળું મીઠું
- એક ચપટી શેકેલું જીરું પાવડર
- ક્લબ સોડા
- ફુદીનાના પાન
બનાવવાની રીત
- તાજા પાઈનેપલને જ્યુસરમાં નાખો અને તેનો રસ કાઢો.
- આ પછી એક શેકરમાં પાઈનેપલનો રસ, લીંબુનો રસ, કાળું મીઠું અને શેકેલું જીરું પાવડર નાખીને બરાબર મિક્સ કરો.
- સર્વિંગ ગ્લાસમાં આઈસ ક્યુબ્સ ઉમેરો, તૈયાર પાઈનેપલ ટેન્ગી ફિઝ અને ક્લબ સોડા ઉમેરો.
- તેમાં ક્રશ કરેલા ફુદીનાના પાનનો ઉમેરો.
- આ ડ્રિંકને પાઈનેપલ સ્લાઈસથી ગાર્નિશ કરીને સર્વ કરો.
- પાઈનેપલ, લીંબુ અને ફુદીનો પાચનતંત્રને સ્વસ્થ રાખવામાં મદદ કરશે અને આ ડ્રિંક ભોજન પહેલા કે પછી પીવાથી તમારા પાચનમાં મદદ મળશે.
જીંજર-લેમન કૂલર
સામગ્રી
- 1 ઈંચ આદુનો ટુકડો
- 2 ચમચી લીંબુનો રસ
- 1 ચમચી મધ
- એક ચપટી કાળું મીઠું
- સ્પાર્કલિંગ વોટર અથવા સોડા
- બરફના ટુકડા
- ચાટ મસાલો
બનાવવાની રીત
- આદુને છીણી લો અને તેનો રસ કાઢો.
- હવે એક ગ્લાસમાં આદુનો રસ, લીંબુનો રસ અને મધ મિક્સ કરો.
- તેમાં એક ચપટી કાળું મીઠું ઉમેરીને બરાબર મિક્સ કરી લો.
- હવે ગ્લાસમાં બરફના ટુકડા અને તૈયાર કરેલું મિશ્રણ ઉમેરો.
- હવે તેમાં સ્પાર્કલિંગ વોટર ઉમેરો. તેના ઉપર ચાટ મસાલો ઉમેરો અને મિક્સ કરો.
- તેને લીંબુના ટુકડા અને ફુદીનાના પાનથી ગાર્નિશ કરીને ભોજન પહેલા સર્વ કરો.
- તે ભૂખ ઉઘાડે છે અને અપચો દૂર કરવામાં મદદ કરશે.
આમળા-એપલ સ્પ્રિટઝર
સામગ્રી
- ½ કપ તાજા આમળાનો રસ
- ½ કપ સફરજનનો રસ
- 1 ચમચી લીંબુનો રસ
- એક ચપટી કાળું મીઠું
- ½ ચમચી લાલ મરચું પાવડર
- ક્લબ સોડા
- બરફના ટુકડા
બનાવવાની રીત
- એક ગ્લાસમાં આમળાનો રસ, સફરજનનો રસ, લીંબુનો રસ અને કાળું મીઠું મિક્સ કરો.
- બધું મિક્સ કર્યા પછી તેમાં થોડું લાલ મરચું પાવડર નાખીને મિક્સ કરો.
- હવે ગ્લાસમાં બરફના ટુકડા ઉમેરો અને તેમાં આ મિશ્રણ ઉમેરો પછી ક્લબ સોડા નાખીને મિક્સ કરો.
- તમારું સ્પ્રિટઝર તૈયાર છે, તેને લીંબુની સ્લાઈઝથી ગાર્નિશ કરીને સર્વ કરો.
