ચોમાસામાં પણ થાય છે ટેનિંગની સમસ્યા, અહીં જાણો કારણો અને તેને દૂર કરવાના ઉપાય

ચોમાસામાં પણ સ્કિન ટેનિંગની સમસ્યા થઈ શકે છે. લોકોમાં એક માન્યતા છે કે ગરમી અને સૂર્યપ્રકાશને કારણે ટેનિંગ થાય છે, જ્યારે એવું નથી. જો તમે ચોમાસામાં તમારી ત્વચાની યોગ્ય કાળજી ન રાખો તો તેમાં ડેડ સેલ્સ જમા થવા લાગે છે. વાસ્તવમાં ઉનાળાની જેમ ચોમાસુ પણ ત્વચા માટે ઘણી સમસ્યાઓ લઈને આવે છે. આવી સ્થિતિમાં ત્વચા નિસ્તેજ દેખાવા લાગે છે. હવે સવાલ એ છે કે ચોમાસામાં પણ ત્વચા ટેનિંગનો શિકાર કેવી રીતે બને છે. જો તમે વિચારી રહ્યા છો કે વરસાદની ઋતુમાં ટેનિંગ નથી થતું તો તમે ખોટા છો. નિષ્ણાતો કહે છે કે ચોમાસા દરમિયાન સૂર્યપ્રકાશ ખૂબ જ આકરો હોય છે અને તે ભેજ સાથે મળીને ત્વચાને નુકસાન પહોંચાડે છે.

સૂર્યપ્રકાશ, યુવી કિરણો અને ભેજ એકસાથે ત્વચા પર હુમલો કરે છે. એકવાર સ્કિન ટેન થઈ જાય, પછી તેને સામાન્ય કરવી મુશ્કેલ છે. આવો અમે તમને જણાવીએ કે ચોમાસામાં પણ સ્કિન ટેન કેવી રીતે થાય છે અને તેના ઈલાજ માટે કયા ઘરેલું ઉપાય અપનાવી શકાય છે.

ચોમાસામાં પણ ટેનિંગ કેમ થાય છે?

નિષ્ણાતોના મતે, વાદળછાયું વાતાવરણ હોવા છતાં, યુવીએ અને યુવીબી કિરણો આપણી ત્વચાને નુકસાન પહોંચાડે છે. આ સિવાય ચોમાસામાં પ્રદૂષણ અને ગંદકીના કારણે ત્વચાને નુકસાન થાય છે. વાસ્તવમાં, આ ઋતુમાં ક્યારેક સૂર્ય ચમકે છે અને ક્યારેક નહીં. આ કારણે સૂર્યપ્રકાશ અને ભેજની સ્થિતિ યથાવત રહે છે. જો કાળજી લેવામાં ન આવે તો તેના કારણે ચોમાસામાં પણ ત્વચા કાળી થવા લાગે છે. લોકોમાં એવી માન્યતા છે કે વાદળો ત્વચાને યુવી કિરણોથી બચાવે છે, જ્યારે એવું નથી. આ હાનિકારક કિરણો કોઈને કોઈ રીતે ત્વચા સુધી પહોંચે છે.

ટેનિંગ દૂર કરવાના ઉપાય

બટાકાનો ઉપયોગ

કેટલાક સરળ ઘરેલું ઉપચાર દ્વારા તમે વરસાદની ઋતુમાં પણ તમારી ત્વચાને ટેનિંગથી બચાવી શકો છો. બટાકાના રસની મદદથી, ખોવાયેલ સ્કિન ટોન પાછો મેળવી શકાય છે અથવા ટેનિંગ ઘટાડી શકાય છે. આ માટે બટેટાનો રસ કાઢીને ત્વચા પર લગાવો. બટેટામાં સ્ટાર્ચ હોય છે જે ત્વચાની રંગત સુધારવામાં મદદ કરે છે.

એલોવેરા જેલ માસ્ક

એલોવેરા ત્વચા માટે ઘણી રીતે ફાયદાકારક છે. ટેનિંગ દૂર કરવા ઉપરાંત, તે સનબર્ન પેચને પણ ઘટાડે છે અને ત્વચામાં કુદરતી મોઈશ્ચર જાળવી રાખે છે. તેના ઉપયોગ માટે એક વાસણમાં એકથી બે ચમચી એલોવેરા જેલ લો અને તેમાં મધ, હળદર અને થોડું પાણી ઉમેરો. આ ફેસ પેકને ચહેરા પર લગાવો. થોડા સમય પછી તેને હૂંફાળા પાણીથી સાફ કરી લો.

સૂતા પહેલા સ્કિન કેર

ત્વચામાંથી ટેનિંગ દૂર કરવા માટે, સૂતા પહેલા ત્વચા પર એલોવેરા જેલ લગાવો. આવું 15 દિવસ સુધી કરો. તમને ટેનિંગ ઘટતું દેખાશે. જો તમે ઈચ્છો તો અઠવાડિયામાં બે વાર બટેટા અને એલોવેરા જેલનો માસ્ક ચહેરા પર લગાવી શકો છો.

બટેટા અને હળદરનો ઉપયોગ

બટાકાના રસમાં હળદર મિક્સ કરીને ચહેરા પર લગાવવાથી પણ ટેનિંગ દૂર કરી શકાય છે. આ માટે એક બાઉલમાં બટેટાનો રસ લો અને તેમાં એક ચપટી હળદર ઉમેરીને પેસ્ટ બનાવો. હવે આ પેસ્ટને ચહેરા પર લગાવો. થોડા સમય બાદ સદા પાણીથી ચહેરો સાફ કરી લો.

ફેસ સ્ક્રબ

ત્વચામાં જમા થયેલી ગંદકીને એક્સ્ફોલિયેશન દ્વારા દૂર કરી શકાય છે. તમે તમારી ત્વચાના પ્રકારને ધ્યાનમાં રાખીને બજારમાંથી ફેશિયલ સ્ક્રબ ખરીદી શકો છો. જો તમારી સ્કિન ડ્રાય હોય તો અઠવાડિયામાં એકવાર સ્ક્રબ કરો અને સ્કિન ઓઈલી હોય તો તમારે વધુ વખત સ્ક્રબ કરવું જોઈએ.