ઘરે જ બનાવો હોટેલ સ્ટાઇલ ગુજરાતી ભરેલા ટામેટાં: આ ખાટી-મીઠી વાનગી આગળ રેસ્ટોરન્ટનું ખાવાનું પણ લાગશે ફીકું

ગુજરાતના ખાવાનો ઉલ્લેખ થાય એટલે આપણને ખાટો-મીઠો અને ચટપટો સ્વાદ યાદ આવે છે કારણ કે આ જ આ રાજ્યના વ્યંજનોની ખાસ ઓળખ છે. જો તમે દરરોજ એક સરખું શાક અને દાળ ખાઈને કંટાળી થઈ ગયા છો તો ગુજરાતની સ્પેશિયલ ભરેલા ટામેટાંની રેસિપી ટ્રાય કરી શકો છો.

આ પણ વાંચો :

હળવા નહીં, હવે ભારે ઘરેણાંનો છે ટ્રેન્ડ; જાણો શા માટે બદલી રહી છે નવી પેઢીની પસંદગી

અમદાવાદ ક્રાઇમ બ્રાન્ચની મોટી સફળતા: અપ્રમાણસર મિલકત કેસમાં વોન્ટેડ તત્કાલીન RAC કેતકી વ્યાસ બહેનના ઘરેથી ઝડપાઈ

ગુજરાતની સ્પેશિયલ ભરેલા ટામેટાંની રેસિપી

આ પણ વાંચો :

વજન ઘટશે પણ સ્વાદ નહીં બદલાય! ખાંડ-ગોળ વગર ઘરે જ બનાવો મગના પ્રોટીન રિચ લાડુ

VIDEO: વાળને મૂળથી મજબૂત બનાવવા માટે કુદરતી ટોનિક છે કોળાના બીજનું તેલ, આ રીતે ઘરે બનાવો

હળવી મીઠાશ ધરાવતી એકદમ મસાલેદાર ગ્રેવીવાળું ટામેટાંનું આ શાક એકવાર ખાશો તો વારંવાર બનાવવાનું મન થશે. અહીં જાણો આ રેસિપી:

સામગ્રી

5-6 મીડિયમ સાઈઝના ટામેટાં

2-3 મીડિયમ સાઈઝના બાફેલા બટાકા

1 કેપ્સિકમ (ઝીણું સમારેલું)

1/2 કપ પનીર

2 મોટી ચમચી સમારેલા કાજુ

1 ચમચી સમારેલું લસણ (ઓપ્શનલ)

1 ચપટી હીંગ

1/2 ચમચી હળદર

1/2 ચમચી ધાણાજીરું પાઉડર

1 ચમચી લાલ મરચું પાઉડર

1 નાની ચમચી જીરું પાઉડર

1/2 ચમચી ગરમ મસાલો

2 મોટી ચમચી ઝીણી સમારેલી કોથમીર

1/2 ચમચી ખાંડ

2 મોટી ચમચી તેલ

સ્વાદાનુસાર મીઠું

ગ્રેવી માટેની સામગ્રી

1 મોટો ઝીણો સમારેલો ડુંગળી
8-10 કાજુ
2-3 લસણની કળીઓ
1/2 ચમચી જીરું
1/2 ચમચી કસુરી મેથી
જરૂર મુજબ પાણી
સ્વાદાનુસાર મીઠું

બનાવવાની રીત

ભરેલા ટામેટાં બનાવવા માટે સૌથી પહેલાં ટામેટાંને ઉપરથી થોડાં કાપો અને સ્ટફિંગ માટે અંદરનો ગર્ભ (ગૂદો) કાઢી લો.
આ સ્ટેપમાં પેનમાં તેલ ગરમ કરીને હીંગ, લસણ, કેપ્સિકમ, કાજુ ઉમેરો અને તેને સાંતળી લો.
હવે ટામેટાંમાંથી કાઢેલા ગૂદાને પણ તેમાં મિક્સ કરો.
ત્યારબાદ ઉપર હળદર, લાલ મરચું, ધાણાજીરું, જીરું, ગરમ મસાલો અને સ્વાદાનુસાર મીઠું ઉમેરો.
થોડું પાણી ઉમેરીને મસાલાને થોડીવાર ચડવા દો.
છેલ્લે બાફેલા બટાકા મેશ કરીને ઉમેરો અને તેને સરસ રીતે મિક્સ કરી લો.
મસાલો તૈયાર થઈ જાય પછી પનીર, ખાંડ, લીલી કોથમીર ઉમેરીને બરાબર મિક્સ કરી લો.
તમારું સ્ટફિંગ તૈયાર છે, તેને વાસણમાં કાઢીને ઠંડું થવા માટે મૂકી દો.
જ્યારે સ્ટફિંગ ઠંડું થઈ જાય ત્યારે તેને ટામેટાંની અંદર ભરી લો.
હવે એક પેનમાં તેલ મૂકીને તેમાં ટામેટાંને ઓછામાં ઓછાં 4-5 મિનિટ સુધી ચડવા દો.

ગ્રેવી તૈયાર કરવાની રીત

ટામેટાં કાઢીને એ જ પેનમાં ફરીથી એક ચમચી તેલ ઉમેરો.
પછી જીરું, હીંગ અને લસણ પણ ઉમેરો.
ત્યારબાદ ડુંગળી અને કાજુની પેસ્ટ ઉમેરીને તેને સાંતળી લો.
જો સ્ટફિંગ વધી ગયું હોય તો તેને પણ ગ્રેવીમાં મિક્સ કરી દો.
હળદર, લાલ મરચું, મીઠું સાથે જરૂર મુજબ પાણી ઉમેરો અને મિશ્રણને ચડવા દો.
આ છેલ્લા સ્ટેપમાં ઉપરથી કસુરી મેથી અને કોથમીર ઉમેરીને સર્વ કરો.
તમારા ગુજરાતી સ્પેશિયલ ભરેલા ટામેટાં તૈયાર છે.