Recipe : તહેવારમાં ઘરે જ બનાવો મનપસંદ મીઠાઈ ‘રસમલાઈ’, આ રીતે બનશે ઝડપી અને ટેસ્ટી
છેલ્લું અપડેટ : 25 Sept 2025
સોર્સ : Google
દિવાળીનો તહેવાર જેમ-જેમ નજીક આવી રહ્યો છે એમ ઘરમાં લોકો જાતજાતની તૈયારીઓમાં લાગી ગયા છે. દિવાળીમાં સ્વીટ વધારે બનતી હોય છે. સ્વીટ ખાવાની મજા કંઈક અલગ જ આવે છે. આમ, તમે મોહનથાળ, ઘૂઘરા જેવી અનેક રેસિપી ઘરે બનાવતા હશો. પરંતુ તમે આ વખતે રસમલાઈ ટ્રાય કરો. રસમલાઈ તમે આ રીતે ઘરે બનાવશો તો સ્પોન્જી અને સોફ્ટ બનશે. આ રસમલાઈ પરિવારનાં લોકો સાથે બેસીને ખાવાની પણ મજા આવશે. તો જાણો ઘરે કેવી રીતે રસમલાઈ બનાવશો.
સામગ્રી
- બે લીટર દૂધ
- એક ચમચી લીંબુનો રસ
- એક કપ ખાંડ
- ત્રણથી ચાર એલચી
- કેસર
- ગાર્નિશ માટે બદામ પિસ્તા
બનાવવાની રીત
- રસમલાઈ બનાવવા માટે સૌ પ્રથમ પનીર બનાવો.
- પનીર બનાવવા માટે એક લીટર દૂધ ગરમ કરી લો.
- દૂધ ગરમ થઈ જાય એટલે થોડો-થોડો લીંબુનો રસ નાખો અને મિક્સ કરો.
- હવે દૂધમાં બરાબર મિક્સ કરી લો.
- આમ કરવાથી દૂધ ફાટી જશે.
- ફાટેલા દૂધને એક કોટનનાં કપડામાં લઈ લો.
- પછી એકથી બે કપ ઠંડુ પાણી નાખો.
- આમ કરવાથી પનીર ઠંડુ થઈ જશે.
- હવે કપડાને ચારેબાજુથી ગાંઠ વાળીને નીચોવી લો. આમ કરવાથી વધારાનું પાણી નીકળી જશે.
- હવે માવાને બરાબર મસળી લો.
- જ્યાં સુધી પનીર સોફ્ટ ના થઈ જાય ત્યાં સુધી એને સતત મસળતા રહો.
- હવે માવામાંથી બોલ બનાવી દો.આ બોલ્સને હથેળીમાં દબાવીને શેપ આપી દો.
ચાસણી બનાવવા માટે
- એક તારની ચાસણી બનાવવા માટે એક મોટું વાસણ લો અને એમાં પાણી લઈ લો.
- આ પાણીમાં એક ચમચી ખાંડ, કેસર મિક્સ કરો.
- ચાસણી ઘટ્ટ થઈ જાય એટલે બોલ્સ નાખીને 20 મિનિટ સુધી રહેવા દો.
- નક્કી કરેલાં સમય પછી રસગુલ્લાને બન્ને હાથથી દબાવીને બીજા વાસણમાં લઈ લો.
- એક લીટર દૂધને ત્યાં સુધી ઉકાળો જ્યાં સુધી અડધું ના થઈ જાય.
- દૂધ ઘટ્ટ થઈ જાય એટલે બદામ અને એલચી પાવડર મિક્સ કરો.
- હવે આ બોલ્સ નાખો.
- 3 થી 4 કલાક માટે ફ્રિજમાં મૂકી દો.
- તો તૈયાર છે ટેસ્ટી રસમલાઈ.