Recipe : દૂધ વગર બનાવો કણીદાર ગાજરનો હલવો, ઠંડીમાં જરૂર ખાવી જોઈએ આ વાનગી

ઠંડીની સિઝનમાં ગાજરનો હલવો ખાવાની મજા આવે છે. લાલ ગાજર બજારમાં જોતાની સાથે લેવાની ઇચ્છા થઇ જાય છે. લાલ ગાજરનો હલવો એક એવી રેસિપિ છે જે બાળકોથી લઇને મોટા એમ દરેક લોકોને ખૂબ ભાવે છે. આમ, તમે પણ ગાજરનો હલવો ખાવાના શોખીન છો તો આ રેસિપિ નોંધી લો. આ રીતે તમે ગાજરનો હલવો બનાવશો તો દૂધની પણ જરૂર નહીં પડે. તો નોંધી લો રીત.

આ પણ વાંચો :

Recipe : આ ભારતીય વાનગી વિશ્વભરમાં પ્રખ્યાત, સ્વાદ એવો કે દરેકની દાઢે ચડ્યો

Recipe : મહેમાન માટે બનાવો ભરેલા તંદૂરી આલુ, સ્વાદ એવો કે ખાધા જ કરશે

આ રીતે ગાજરનો હલવો બનાવો

આ પણ વાંચો :

Recipe : ઘરે અલગ જ રીતે બનાવો લસણની ચટણી, સ્વાસ્થ્ય માટે પણ છે હેલ્ધી

Recipe : શિયાળામાં બનાવો બાજરાની ખીચડી, ગરમાગરમ ખાવાની આવશે મજા

ગાજરનો હલવો બનાવવા માટે સૌ પ્રથમ એક કિલો ગાજર લો અને સારી રીતે ધોઇ દો. ત્યારબાદ આ ગાજરને છીણી લો. તમે ઓછી મહેનતે ગાજરનો હલવો બનાવવા ઇચ્છો છો તો છીણવાની જરૂર નથી. આ ગાજર તમે ચોપરમાં પણ ક્રશ કરી શકો છો.

હલવો બનાવવા માટે લગભગ 200 ગ્રામ માવો લો. માવો નથી તો તમે દૂધમાંથી પણ ઘરે બનાવી શકો છો. એક લીટરમાંથી તમે ઘરે માવો તૈયાર કરી શકો છો.

હવે છીણેલા ગાજરને એક કડાઇમાં લઇ લો. આ ગાજરને ધીમા ગેસે સતત હલાવતા રહો. 5 મિનિટ માટે ઢાંકણ ઢાંકી દો. આમ, કરવાથી છીણેલા ગાજર મસ્ત નરમ થઇ જશે અને સુગંધ પણ આવશે.

જ્યારે ગાજર સોફ્ટ થઇ જાય એટલે સ્વાદાનુસાર ખાંડ નાખો. ખાંડ ઓગળી જાય એટલે ગાજરમાં માવો મિક્સ કરો. આ સમયે સતત હલાવતા રહેવાનું છે. ગેસની ફ્લેમ પણ સ્લો રાખવાની છે.

હવે આ હલવામાં મિલ્ક પાઉડર એડ કરો.

• મિલ્ક પાઉડરથી હલવામાં મસ્ત ટેસ્ટ આવશે અને ખાવાની પણ મજા આવશે.
• ઉપરથી ઝીણી સમારેલી બદામ, કાજુ તેમજ દ્રાક્ષ નાખો. ત્યારબાદ આ ગાજરનાં હલવામાં તમે ઇલાયચી પાઉડર મિક્સ કરો. તમને બીજા ડ્રાય ફ્રૂટ્સ ભાવે છે તો તમે એ પણ એડ કરી શકો છો.
• તો તૈયાર છે ગરમાગરમ ગાજરનો હલવો.
• આમ, આ રીતે તમે ગાજરનો હલવો બનાવશો તો ટેસ્ટમાં મસ્ત બનશે અને ખાવાની બહુ મજા આવશે.
• આ હલવો તમે ઘરે આવનાર મહેમાનને પણ પીરસી શકો છો.
• ગાજરનો હલવો તમે ટિફિનમાં પણ આપી શકો છો.