Recipes: પનીરનું શાક ખાઈને કંટાળી ગયા હોવ તો આજે ટ્રાય કરો સુરતી ગોટાળો, નોંધી લો રેસિપી
છેલ્લું અપડેટ : 03 Apr 2026
પનીરનું શાક તો તમે ઘણી વાર ખાધું હશે, પણ એકવાર આ ખાસ સુરતી પનીર ગોટાળાની રેસીપી જરૂર ટ્રાય કરો. તેનો સ્વાદ એવો અદ્ભુત છે કે તમે આંગળીઓ ચાટતા રહી જશો.
આમ તો પનીર અનેક રીતે બનાવવામાં આવે છે, પરંતુ મોટાભાગના ઘરોમાં રેસીપી મટર પનીર, કઢાઈ પનીર, શાહી પનીર કે પનીર ભુરજી સુધી જ સીમિત હોય છે. જો તમે પણ પનીરની જૂની રેસીપીઓથી કંટાળી ગયા હોવ, તો આ ખાસ સુરતી પનીર ગોટાળાની રેસીપી નોંધી લો.
સુરતી પનીર ગોટાળાની સામગ્રી અને બનાવવાની રીત:
પહેલું સ્ટેપ (મસાલો તૈયાર કરવો):
૨ આદુના લાંબા ટુકડા, ૬-૭ લસણની કળીઓ, લીલા ધાણાના અને ૩-૪ લીલા મરચાં લો.
હવે તેમાં સમારેલા ધાણા, ૧ ચમચી લાલ મરચું પાવડર, અડધી ચમચી હળદર, ૧ ચમચી ધાણા જીરું પાવડર, ૧ ચમચી આખું જીરું અને સ્વાદ મુજબ મીઠું નાખો.
આ બધી વસ્તુઓને બારીક પીસીને પેસ્ટ બનાવી લો.
બીજું સ્ટેપ:
૧ કેપ્સિકમ, દોઢ ટામેટું અને દોઢ ડુંગળીને બારીક સમારી લો.
હવે એક કઢાઈમાં ૨ ચમચી દેશી ઘી અને ૨ ચમચી તેલ ગરમ કરો. તેમાં તૈયાર કરેલી મસાલા પેસ્ટ નાખીને ધીમી આંચ પર સાંતળો.
પનીરના પાતળા અને લાંબા ટુકડા કરી લો. બાકીના પનીરને છીણી લો.
ત્રીજું સ્ટેપ:
કાપેલા પનીરના ટુકડામાં પાવભાજી મસાલો, થોડું મીઠું અને તેલ નાખીને મિક્સ કરો.
છીણેલા પનીરમાં મીઠું અને દેગી મરચું નાખીને બરાબર ભેળવી દો.
બીજી બાજુ કઢાઈમાં જે મસાલો છે તેમાં સમારેલી ડુંગળી, કેપ્સિકમ અને ટામેટા નાખો. બધું બરાબર ચઢવા દો અને થોડું માખણ ઉમેરો.
ચોથું સ્ટેપ:
હવે કઢાઈમાં છીણેલું પનીર નાખો અને થોડી વાર સાંતળો. થોડું પાણી ઉમેરીને મેશરની મદદથી પનીર અને શાકભાજીને બરાબર મેશ કરી લો અને સતત હલાવતા રહો.
એક અલગ પેનમાં કાપેલા પનીરના ટુકડાને થોડું તેલ નાખીને હળવા ફ્રાય કરી લો. ફ્રાય થયેલા પનીરને બારીક ટુકડામાં કાપી ગ્રેવીમાં ઉમેરો.
છેલ્લે ગેસ બંધ કરી ઉપરથી થોડું ચીઝ છીણીને નાખો. બારીક સમારેલા લીલા ધાણાથી ગાર્નિશ કરી પાવ, રોટલી, નાન કે પરાઠા સાથે ગરમાગરમ સર્વ કરો.
