World Asthma Day 2024 / અસ્થમાના દર્દીઓ માટે ખૂબ જ ફાયદાકારક છે આ એક્સરસાઈઝ, આટલી બાબતોનું રાખો ધ્યાન

દર વર્ષે મે મહિનાના પ્રથમ મંગળવારને સમગ્ર વિશ્વમાં અસ્થમા દિવસ તરીકે ઉજવવામાં આવે છે. આ દિવસની ઉજવણીનો હેતુ લોકોને અસ્થમાની બીમારી વિશે જાગૃત કરવાનો છે. આ રોગમાં શ્વાસ લેવામાં તકલીફ થાય છે. શ્વસન માર્ગમાં સોજો આવે છે અને વધુ પડતો કફ બનવા લાગે છે. અસ્થમાના દર્દીઓને સ્વસ્થ રહેવા માટે તેમના આહાર અને દિનચર્યા પર વિશેષ ધ્યાન આપવાની સલાહ આપવામાં આવે છે. સ્વસ્થ રહેવા માટે હેલ્ધી ડાયટ અને એક્સરસાઈઝ એ ​​બે સૌથી મહત્ત્વની બાબતો છે. કેટલાક લોકોનું માનવું છે કે અસ્થમાના દર્દીઓ માટે એક્સરસાઈઝ ખતરનાક બની શકે છે, પરંતુ નિષ્ણાતો કહે છે કે અસ્થમાના દર્દીઓ માટે અમુક પ્રકારની એક્સરસાઈઝ કરવી ફાયદાકારક છે. 

સ્વિમિંગ

અસ્થમાના દર્દીઓ માટે સ્વિમિંગ એ ખૂબ જ સારી એક્સરસાઈઝ છે. સ્વિમિંગ શ્વાસના સ્નાયુઓને મજબૂત બનાવે છે. તેમજ આખું શરીર ફિટ રહે છે.

ચાલવું

અસ્થમાથી પીડિત લોકોએ દરરોજ સવારે અને સાંજે ચાલવા માટે સમય કાઢવો જોઈએ. આ માત્ર અસ્થમામાં જ મદદ નહીં કરે પરંતુ અન્ય ઘણા ફાયદાઓ પણ આપશે.

રમતો

અસ્થમાના દર્દીઓ માટે વિવિધ પ્રકારની રમતો પણ ફાયદાકારક સાબિત થઈ શકે છે. પછી તે બેડમિન્ટન હોય કે ફૂટબોલ.

યોગ

અસ્થમાના દર્દીઓએ તેમની દિનચર્યામાં યોગનો સમાવેશ કરવો જ જોઈએ. બ્રીધિંગ એક્સરસાઈઝથી  ફેફસાના કાર્યમાં વધારો કરે છે. શરીરમાં રક્ત પરિભ્રમણ વધે છે, જે અસ્થમાની સાથે અન્ય ઘણી સમસ્યાઓમાં રાહત આપે છે.

એક્સરસાઈઝ કરતી વખતે આ સાવચેતી રાખો

નાક દ્વારા શ્વાસ લો

અસ્થમામાં તમે જે પણ પ્રકારની એક્સરસાઈઝ કરો છો, તે ધ્યાનમાં રાખો કે તમારે નાક દ્વારા જ શ્વાસ લેવાનો છે. મોં દ્વારા શ્વાસ લેવાની ભૂલ કરશો તો સમસ્યાઓ વધી શકે છે.

માસ્ક પહેરો

તમને સુરક્ષિત રાખવા માટે માસ્ક એક ઉત્તમ શસ્ત્ર છે, તેથી એક્સરસાઈઝ દરમિયાન પણ તેને પહેરી રાખો.

પ્રદૂષણથી બચો

સવારે વહેલા ઉઠીને એક્સરસાઈઝ કરવી ફાયદાકારક છે, પરંતુ તેને શરૂ કરતા પહેલા એકવાર પ્રદૂષણનું સ્તર તપાસો. જો તે વધુ પડતું હોય, તો કોઈપણ પ્રકારની આઉટડોર એક્ટિવિટી કરવાનું ટાળો. કારણ કે પ્રદૂષણ અસ્થમાની સ્થિતિને પણ ગંભીર બનાવી શકે છે.

બીમાર હોવ ત્યારે એક્સરસાઈઝ ન કરો

કોઈપણ એક્સરસાઈઝ સતત કરો તો જ ફાયદો થાય છે, પરંતુ જો કોઈ કારણસર અસ્થમાની સમસ્યા વધી ગઈ હોય તો આવી સ્થિતિમાં સ્વાસ્થ્ય પર ધ્યાન આપો.

ઇન્હેલર સાથે રાખો

અસ્થમાના દર્દીઓએ એક્સરસાઈઝ દરમિયાન પણ હંમેશા પોતાની સાથે ઇન્હેલર રાખવું જોઈએ. કોઈપણ પ્રકારની સમસ્યાના કિસ્સામાં, ઇન્હેલર તમારા માટે લાઈફ સેવર છે.