Diwali 2024 Recipe / દિવાળી પર ઘરે બનાવો શાહી ટુકડા રોલ, ખૂબ જ સરળ છે રીત
લગભગ દરેક વ્યક્તિએ શાહી ટુકડાનો સ્વાદ ચાખ્યો હશે. તેની ગણતરી ભારતની સૌથી ખાસ મીઠાઈઓમાં થાય છે. એવું કહેવાય
લગભગ દરેક વ્યક્તિએ શાહી ટુકડાનો સ્વાદ ચાખ્યો હશે. તેની ગણતરી ભારતની સૌથી ખાસ મીઠાઈઓમાં થાય છે. એવું કહેવાય છે કે આ મીઠાઈ મુઘલ યુગની છે, જેના માટે બ્રેડ, દૂધ, માવા અને ડ્રાય ફ્રૂટ્સનો ઉપયોગ કરવામાં આવે છે. જો તમે પણ આ મીઠાઈ ખાધી છે અને તેને ઘરે પણ બનાવો છો, તો આ વખતે તૈયાર કરો શાહી ટુકડા રોલ. આ રેસીપી માત્ર નવી જ નથી પણ ખૂબ જ સરળ પણ છે જે ઓછા સમયમાં તૈયાર કરી શકાય છે. તમે આ દિવાળી પર તેને ઘરે બનાવી શકો છો. અને ઘરે આવેલા મહેમાનોને પણ સર્વ કરી શકો છો.
સામગ્રી
- બ્રેડ સ્લાઈસ - 6થી 8
- માવો - અડધો કપ
- એલચી પાવડર - અડધી ચમચી
- દૂધ - 1 કપ
- ખાંડ - 1 કપ
- પાણી - અડધો કપ
- દેશી ઘી - જરૂર મુજબ
- ડ્રાય ફ્રૂટ્સ - જરૂર મુજબ
બનાવવાની રીત
- સૌથી પહેલા એક કડાઈમાં ખાંડ અને પાણી નાખીને ધીમી આંચ પર પકાવો.
- આ બંને વસ્તુને ચાસણી બને ત્યાં સુધી પકાવો.
- એકથી બે તારની ચાસણી તૈયાર કરવાની છે.
- જ્યારે ચાસણી તૈયાર થઈ જાય ત્યારે તેમાં બેથી ત્રણ એલચી અને થોડું કેસર નાખો.
- હવે બ્રેડની કિનારી કાપો અને રોલિંગ પીનની મદદથી તેને પાતળી કરી લો.
- હવે એક બાઉલમાં માવો, એલચી પાવડર અને ડ્રાય ફ્રૂટ્સ નાખીને બરાબર મિક્સ કરી લો
- આ પછી બ્રેડની અંદર આ મિશ્રણ ભરીને રોલ વાળી લો.
- રોલને સારી રીતે બંધ કરવાનો હોય છે, જેથી રોલ પાછળથી ખુલે નહીં.
- પછી એક કડાઈમાં ઘી ગરમ કરો અને રોલ્સને ધીમી આંચ પર તળી લો.
- જ્યારે બ્રેડ ક્રિસ્પી થવા લાગે તો તેને પ્લેટમાં કાઢી લો.
- પછી તેને ચાસણીમાં સારી રીતે બોળીને બહાર કાઢો.
- હવે શાહી ટુકડા રોલને સર્વિંગ પ્લેટમાં કાઢીને ડ્રાય ફ્રુટ્સથી ગાર્નીશ કરો.
