Summer Special Chutney:  ઉનાળામાં લૂથી બચવા બનાવો કાચી કેરીની ચટણી, ભોજનનો સ્વાદ વધારવા સાથે પેટને રાખશે ઠંડુ

લોકોને ઉનાળાની ઋતુમાં મળતી ઘણી બધી શાકભાજી પસંદ નથી હોતી, જેના કારણે તેમને દરરોજ એક જ વસ્તુ ખાવી પડે છે અને તેના કારણે ભોજનમાં કોઈ વેરાયટી નથી હોતી, પરંતુ એવું જરૂરી નથી કે તમે દર વખતે લંચ અથવા ડિનરમાં માત્ર શાકભાજી જ ખાઓ. આ સિઝનમાં તમે શાકભાજીની જગ્યાએ ચટણીનો પણ ઉપયોગ કરી શકો છો.
 
ઉનાળામાં મળતી કેરીમાંથી તમે અનેક પ્રકારની વાનગીઓ બનાવી શકો છો, જેમાંથી એક છે ચટણી. જે ખાવાનો સ્વાદ તો વધારે છે પણ પેટને ઠંડુ પણ રાખે છે. 

કાચી કેરી હીટ સ્ટ્રોકથી બચાવે છે

કાચી કેરીમાં ઠંડકની અસર હોય છે. જેના કારણે તે પેટની ગરમીને શાંત કરે છે અને બ્લડ સુગરને પણ કંટ્રોલ કરે છે. આ ખાવાથી હીટ સ્ટ્રોકથી પણ રક્ષણ મળે છે અને શરીરની રોગપ્રતિકારક શક્તિ વધે છે. તેને ખાવાના ઘણા ફાયદા છે, તો ચાલો જાણીએ કાચી કેરીની ચટણી બનાવવાની સરળ રીત.

કાચી કેરીની મીઠી અને ખાટી ચટણી રેસીપી

સામગ્રી

• કાચી કેરી-બે મધ્યમ કદની 
• ફુદીનાના પાન-250 ગ્રામ 
• કોથમીર-1 ચમચી
• 4 લીલા મરચાં
• મીઠું- સ્વાદનુસાર
• કાળું મીઠું- સ્વાદનુસાર
• ખાંડ-એક ચમચી

આ રીતે ચટણી બનાવો

• સૌ પ્રથમ કેરીને છોલી લો. પલ્પને કાપી લો.
• લીલા મરચા પણ ઝીણા સમારી લો.
• ચટણીને પીસવાના લગભગ 10 મિનિટ પહેલાં, ફૂદીના અને ધાણાને થોડીવાર પાણીમાં પલાળી રાખો. પછી
• તેને કાપી લો.
• કાચી કેરી, લીલા મરચા, ફુદીનાના પાન અને કોથમીર મિક્સરમાં નાખો.
• ખાંડ અને મીઠું ઉમેરો.
• થોડું પાણી ઉમેરીને બરાબર પીસી લો.
• તૈયાર છે મીઠી અને ખાટી કેરી-ફૂદીનાની ચટણી.
• કોઈપણ ચટણી ઓછી માત્રામાં બનાવો. જો લાંબા સમય સુધી ફ્રીઝમાં રાખવામાં આવે તો તેનો સ્વાદ બદલાવા લાગે છે અને તેને બહાર રાખવાની ભૂલ ન કરો.