બુદ્ધ પૂર્ણિમાના અવસર પર બનાવો કેરીની ખીર, એકદમ સરળ છે તેની Recipe

બુદ્ધ પૂર્ણિમા દર વર્ષે વૈશાખ મહિનાની પૂર્ણિમાના દિવસે ઉજવવામાં આવે છે. આ વર્ષે બુદ્ધ પૂર્ણિમાનો તહેવાર 23 મે, ગુરુવારે ઉજવવામાં આવશે. આ પવિત્ર તહેવાર વિશે એવું માનવામાં આવે છે કે બૌદ્ધ ધર્મના સ્થાપક ગૌતમ બુદ્ધનો જન્મ આ દિવસે થયો હતો.

તમને જણાવી દઈએ કે, ગૌતમ બુદ્ધને ભગવાન વિષ્ણુનો 9મો અવતાર માનવામાં આવે છે. આ જ કારણ છે કે હિન્દુ અને બૌદ્ધ બંને ધર્મના લોકો માટે આ તહેવારનું વિશેષ મહત્ત્વ છે. આ દિવસે ઉપવાસની સાથે લોકો અનેક પ્રકારની વાનગીઓ પણ બનાવે છે. જો તમે પણ આ દિવસે સ્વાદિષ્ટ વાનગી બનાવવા માંગતા હોવ તો ફળોના રાજા કેરીમાંથી બનેલી ટેસ્ટી ખીર ટ્રાય કરો.

સામગ્રી

• ફૂલ ક્રીમ દૂધ - 1 લિટર 
• પાકેલી કેરીનો પલ્પ - 1 કપ
• ચોખા - 1/2 કપ 
• ખાંડ - 1/2 કપ 
• બારીક સમારેલા કાજુ
• બારીક સમારેલી બદામ
• એલચી પાવડર - 1/2 ચમચી

બનાવવાની રીત

• કેરીની ખીર બનાવવા માટે સૌ પ્રથમ ગેસ પર એક મોટા વાસણમાં દૂધ ઉકાળવા મૂકો. 
• જ્યારે દૂધ ઉકળવા લાગે, ત્યારે આંચ ધીમી કરો, દૂધમાં ચોખા ઉમેરો અને થોડી થોડી વારે હલાવતા રહો. 
• જ્યારે દૂધ બરાબર ઘટ્ટ થઈ જાય અને ચોખા રંધાઈ જાય ત્યારે તેમાં સમારેલા કાજુ અને બદામ નાખીને મિક્સ કરો. 
• જ્યારે ખીર સારી રીતે રંધાઈ જાય ત્યારે તેમાં ખાંડ અને એલચી પાવડર મિક્સ કરો. 
• હવે ખીરને ધીમી આંચ પર 5 મિનિટ માટે પકાવો. 
• 5 મિનિટ પછી, ખીરને ગેસ પરથી ઉતારી લો અને તેને ઠંડી થવા માટે રાખો. 
• જ્યારે ખીર ઠંડી થઈ જાય ત્યારે તેમાં કેરીનો પલ્પ ઉમેરીને મિક્સ કરો. 
• આ પછી, ખીરમાં કેરીના ટુકડા ઉમેરો અને તેને મિક્સ કરો.
• તમારી કેરીની ખીર તૈયાર છે, તેને એક બાઉલમાં કાઢીને કાજુ-બદામ અને કેરીના ટુકડાથી ગાર્નિશ કરીને સર્વ કરો.