Recipe / ઘરે બનાવો લસણ અને નારિયેળની સૂકી ચટણી, બમણો થઈ જશે ભોજનનો સ્વાદ

ઘણા લોકો ભોજન સાથે સાઇડ ડીશ તરીકે ચટણી અથવા અથાણાં ખાવાનું પસંદ કરે છે. ખાસ કરીને લોકો કોથમરી-મરચાની કે લસણની ચટણી ખાવાનું પસંદ કરે છે. ચટણી એક એવી વસ્તુ છે જે કોઈપણ વાનગીનો સ્વાદ વધારે છે. તમે દાળ-ભાત અથવા રોટલી સાથે ચટણી ખાઈ શકો છો. જો તમને તમારી સાઇડ ડીશમાં કંઈક નવું અને મસાલેદાર ખાવાનું મન થાય તો તમે લસણ, નારિયેળ અને લાલ મરચાની સૂકી ચટણી બનાવી શકો છો. તેનો સ્વાદ એટલો અદ્ભુત છે કે તમે તમારી આંગળીઓ ચાટતા રહી જશો. તમે આ સૂકી ચટણીનો ઉપયોગ ભેલપુરી અને વડાપાવમાં પણ કરી શકો છો. તો ચાલો જાણીએ લસણની સૂકી ચટણી કેવી રીતે બનાવવી?

સામગ્રી

• એક ચમચી તેલ
• અડધો કપ વાટેલું લસણ
• અડધો કપ સૂકું નાળિયેર
• એક ચમચી કાશ્મીરી લાલ મરચું પાવડર
• એક ચમચી મગફળી
• એક ચમચી જીરું
• એક ચમચી ધાણા પાવડર
• અડધી ચમચી મેથી
• એક ચપટી હિંગ
• અડધી ચમચી હળદઆમચૂરકેરીનો પાવડર
• સ્વાદ અનુસાર મીઠું

બનાવવાની રીત

• સૌથી પહેલા એક પેનમાં 1 ચમચી તેલ ઉમેરો. હવે તેમાં એક કપ વાટેલું લસણ ઉમેરો.
• તેને ધીમી આંચ પર ગોલ્ડન બ્રાઉન થાય ત્યાં સુધી સાંતળો નહીં તો અંદરથી કાચું રહી જશે.
• ત્યારબાદ તેમાં મગફળી નાખીને શેકી લો.
• હવે તેમાં જીરું, ધાણા પાવડર અને મેથી ઉમેરો. જ્યાં સુધી સુગંધ ન આવે ત્યાં સુધી ધીમી આંચ પર શેકો.
• હવે તેમાં સૂકું નારિયેળ નાખીને સારી રીતે શેકી લો. તે શેકાઈ જાય પછી ગેસ બંધ કરીને ઠંડુ થવા દો.
• હવે આ બધી સામગ્રીને બ્લેન્ડર જારમાં નાંખો અને તેમાં મરચું પાવડર, આમચૂર પાઉડર, હિંગ અને મીઠું ઉમેરો.
• ધ્યાનમાં રાખો કે તમારે આમાં પાણીનો ઉપયોગ કરવાની જરૂર નથી.
• હવે તેને બરછટ પીસી લો, તમારી સૂકી લસણની ચટણી તૈયાર છે.
• આ ચટણીને એરટાઈટ કન્ટેનરમાં રાખીને સ્ટોર કરી શકો છો.