તમારા વોર્ડરોબમાં સામેલ કરો આ 7 પ્રકારની કુર્તી, દરેક ફંક્શનમાં કરી શકશો સ્ટાઇલ

જો તમને એથનિક લુક ગમે છે, તો તમે ચોક્કસપણે કુર્તી પહેરવાનું પસંદ કરતા હશો. તમને માર્કેટમાં એક નહીં પણ અનેક પ્રકારની કુર્તીઓ મળશે. પરંતુ જરૂરી નથી કે તમારી પાસે તમામ પ્રકારની કુર્તીઓ હોય. તેથી આજે આ લેખમાં અમે તમને 7 પ્રકારની કુર્તીઓ વિશે જણાવીશું, જે તમારા વોર્ડરોબમાં હોવી જોઈએ. તમે આ કુર્તીઓને કોઈપણ પ્રસંગે પહેરી શકો છો અને સ્ટાઇલિશ લુક મેળવી શકો છો. સૌથી સારી વાત એ છે કે આ કુર્તીઓ ક્યારેય આઉટ ઓફ ફેશન નથી થતી અને તમને તેમાં ઘણી બધી વેરાયટી અને વિકલ્પો મળશે.

ચાલો તમને જણાવીએ કે સ્ટાઇલિશ અને એટ્રેક્ટિવ લુક મેળવાવ માટે તમે તમારા વોર્ડરોબમાં કેવા પ્રકારની કુર્તીઓનો સમાવેશ કરી શકો છો. ઓફિસ હોય, પાર્ટી હોય, લગ્ન હોય કે કેઝ્યુઅલ આઉટિંગ હોય, દરેક પ્રસંગ માટે આ કુર્તીઓ સ્ટાઇલ કરી શકાય છે.

સ્ટ્રેટ કુર્તી

જો તમને એથનિક આઉટફિટ્સ ગમતા હોય તો તમારા વોર્ડરોબમાં એક કરતાં વધુ સ્ટ્રેટ કુર્તી હશે. આજકાલ સ્ટ્રેટ કુર્તીઓમાં પણ ઘણી પેટર્ન આવી રહી છે. આમાં, એન્કલ લેંથ કુર્તીઓ, નીલેંથ કુર્તીઓ અને ફ્રન્ટ સ્લિટ કુર્તીઓ ખૂબ જ ટ્રેન્ડમાં છે. જો તમારી પાસે આમાંથી કોઈ કુર્તી નથી, તો તમારે આવી કુર્તી ખરીદવી જોઈએ. તમે તેને લેગિંગ્સ, પ્લાઝો અને સ્કિન ટાઈટ જીન્સ સાથે પહેરી શકો છો. આમાં તમને ડિઝાઇનર અને સિમ્પલ બંને પ્રકારની કુર્તીઓ મળશે. 

શોર્ટ અનારકલી કુર્તી

શોર્ટ અનારકલી કુર્તીઓનો ટ્રેન્ડ ફરી એકવાર મહિલાઓમાં ખૂબ જ લોકપ્રિય થઈ રહ્યો છે. તમને બજારમાં કોટન, ક્રેપ અને અન્ય ફેબ્રિકની શોર્ટ અનારકલી કુર્તીઓ પણ મળશે. સૌથી સારી વાત એ છે કે તમે કોઈપણ બોટમવેર સાથે શોર્ટ અનારકલી કુર્તી પહેરી શકો છો. તે તમને પાર્ટી લુક, વેડિંગ લુક અને ઓફિસ લુક પણ આપી શકે છે.

નીલેંથ અનારકલી કુર્તી

તમારે તમારા વોર્ડરોબમાં નીલેંથ અનારકલી કુર્તી પણ સામેલ કરવી જોઈએ. તમે તેને પ્લાઝો, શરારા અને ચૂડીદાર સાથે પહેરી શકો છો. આમાં પણ તમને ઘણી વેરાયટી મળશે. ઘણી સ્ત્રીઓ અનારકલી કુર્તી એ વિચારીને પહેરતી નથી કે તેઓ આવી કુર્તીમાં જાડી દેખાશે, પરંતુ એવું નથી, એ સાચું છે કે અનારકલી કુર્તી વોલ્યુમનો દેખાય છે. પરંતુ આને પહેરવાથી તમે જાડા નથી દેખાતા.

ફ્લોર લેન્થ અનારકલી કુર્તી

જો તમે પાર્ટીમાં હાજરી આપવા માટે પાર્ટીવેર કપડા શોધી રહ્યા છો, તો ફ્લોર લેન્થ અનારકલી કુર્તી તમને આવો લુક આપી શકે છે. તમને માર્કેટમાં હેવી, લાઈટ, પ્લેન, સિમ્પલ અને એમ્બ્રોઇડરીવાળી વિવિધ પ્રકારની અનારકલી કુર્તીઓ મળશે. તમે તેને ડિઝાઈનર દુપટ્ટા સાથે સ્ટાઇલ કરીને પાર્ટી લુક મેળવી શકો છો.

બ્રોકેડ કુર્તી

બ્રોકેડ ટ્રેન્ડ પણ આજકાલ ખૂબ જ લોકપ્રિય છે. આમાં તમને ઘણા વિકલ્પો મળશે. તમને ગમતી ડિઝાઇન પસંદ કરીને, તમે દરજી પાસેથી કુર્તી શીવડાવી શકો છો અથવા માર્કેટમાંથી તૈયાર પણ ખરીદી શકો છો. તમે આ કુર્તીઓને સ્ટ્રેટ, ફ્રન્ટ સ્લિટ અને પેનલ ડિઝાઇનમાં ખરીદી શકો છો. તમે તેને કોઈપણ પાર્ટી કે નાના ફંક્શનમાં પહેરી શકો છો.

ચિકનકારી કુર્તી

ચિકનકારી કુર્તી દરેક ઉંમરની મહિલાઓ પહેરી શકે છે અને તેને કોઈપણ પ્રસંગે કેરી કરી શકે છે. આમાં પણ તમને ઘણી વેરાયટી જોવા મળશે. આને તમે ઓફિસમાં પણ પહેરી શકો છો. આમાં તમને સ્ટ્રેટ, કલિદાર અને પેનલ જેવી તમામ પ્રકારની કુર્તીઓ મળશે. તમે તેમને લોંગ સ્કર્ટ, જીન્સ, પાયજામા, સલવાર સાથે પેર કરી શકો છો.

હેન્ડલૂમ કુર્તી

તમારા વોર્ડરોબમાં હેન્ડલૂમ કુર્તી પણ હોવી જોઈએ કારણ કે તમે આવી કુર્તીઓને ઓફિસમાં, પાર્ટીમાં અથવા તો કેઝ્યુઅલ લુક માટે પહેરી શકો છો. આવી કુર્તીઓ તમને કોઈપણ સારી હેન્ડલૂમ શોપમાં મળશે અથવા તમે ફેબ્રિક લઈને તેને તમારી મનપસંદ સ્ટાઇલમાં શીવડાવી પણ શકો છો.