Recipe: ભયંકર લૂમાં પેટને આપશે 'AC' જેવી ઠંડક! FSSAI એ જણાવી આ ખાસ રેસીપી

ઉનાળાની કાળઝાળ ગરમીમાં શરીરને અંદરથી ઠંડક આપવા માટે 'જવની રાબડી' (Barley Rabri) એક ઉત્તમ અમૃત સમાન છે. તાજેતરમાં FSSAI એ પણ ઉનાળામાં લૂ થી બચવા માટે આ હેલ્ધી રેસીપી શેર કરી છે.

જવની રાબડી માટેની જરૂરી સામગ્રી:

• જવનું દલિયો (ફાડા): 1/2 વાટકી
• બેસન: 2 નાની ચમચી
• ઘઉંનો લોટ: 2 નાની ચમચી
• દહીં: 1/2 વાટકી
• પાણી: 6-8 વાટકી (આશરે 1.5 લિટર)
• છાશ: 2 ગ્લાસ
• મીઠું: સ્વાદ મુજબ (1/2 ચમચી)
• ફુદીનાના પાન: ઝીણા સમારેલા (ઓપ્શનલ)
• શેકેલું જીરું: 1/4 ચમચી પાવડર (ઓપ્શનલ)

બનાવવાની રીત

• મિશ્રણ તૈયાર કરો: સૌથી પહેલા એક વાટકીમાં દહીં અને પાણી લઈને બરાબર ફેંટી લો. હવે તેમાં બેસન અને ઘઉંનો લોટ ઉમેરીને બરાબર મિક્સ કરી લો જેથી ગઠ્ઠા ન રહે. આ મિશ્રણને એક કલાક માટે રહેવા દો.
• જવ તૈયાર કરો: જવના દલિયાને સાફ કરી, ધોઈને તેનું વધારાનું પાણી નિતારી લો.
• રાંધવાની પ્રક્રિયા: એક ઊંડા વાસણમાં અથવા પ્રેશર કુકરમાં ધોયેલા જવ, 3 વાટકી પાણી અને મીઠું નાખીને ધીમી આંચ પર ચઢવા દો. વચ્ચે-વચ્ચે હલાવતા રહો.
• મિક્સ કરો: જ્યારે જવ અધકચરા ચઢી જાય, ત્યારે તેમાં પહેલાથી તૈયાર કરેલું દહીં અને લોટનું મિશ્રણ ઉમેરો. મિશ્રણ ઉમેરતી વખતે સતત હલાવતા રહો જેથી ગઠ્ઠા ન પડે. તેને 5 મિનિટ સુધી ધીમી આંચ પર ઉકળવા દો.
• આથો આવવા દો: રાબડી તૈયાર થઈ જાય એટલે તેને ઠંડી થવા દો. આ રેસીપીની ખાસિયત એ છે કે તેને આખી રાત માટે રહેવા દેવામાં આવે છે, જેથી તેમાં કુદરતી આથો (Fermentation) આવે.
• પીરસવાની રીત: બીજા દિવસે સવારે આ તૈયાર રાબડીમાં ઠંડી છાશ ઉમેરીને બરાબર ફેંટી લો. જો રાબડી બહુ ઘટ્ટ લાગે તો થોડું પાણી ઉમેરી શકાય.
  ગાર્નિશિંગ: ઉપરથી ઝીણો સમારેલો ફુદીનો અને શેકેલું જીરું નાખીને ઠંડી-ઠંડી પીરસો.

X પર જુઓ

જવની રાબડીના ફાયદા:

ઠંડક આપે: તે શરીરનું તાપમાન જાળવી રાખે છે અને લૂ (Heat stroke) થી બચાવે છે.
પાચનમાં મદદરૂપ: ઉનાળામાં થતી અપચો, ગેસ અને એસિડિટી જેવી સમસ્યાઓમાં રાહત આપે છે.
પૌષ્ટિક નાસ્તો: જવ ફાઈબરથી ભરપૂર હોવાથી લાંબા સમય સુધી પેટ ભરેલું રાખે છે અને એનર્જી આપે છે.
પ્રોબાયોટિક: આથો આવવાને કારણે તે આંતરડાના સ્વાસ્થ્ય માટે ખૂબ જ ગુણકારી છે.