વરસાદના પાણીને કારણે પગમાં ખંજવાળ આવે છે, તો તેનાથી રાહત મેળવવા માટે અપનાવો આ ઉપાયો

વરસાદની ઋતુમાં વાતાવરણ ખૂબ જ ખુશનુમા લાગે છે. કેટલાક લોકોને વરસાદમાં ભીના થવાનું મન થાય છે. પરંતુ આ ઋતુમાં સ્વાસ્થ્ય અને ત્વચા સંબંધિત અનેક રોગોનો ખતરો રહે છે. આ સિઝનમાં ભીની માટી, ગંદકી અને ભેજને કારણે પગમાં ખંજવાળ આવવાની ​​સમસ્યા થઈ શકે છે.

પાણીથી પગ ધોવાથી ખંજવાળ ઓછી થઇ જાય છે. પરંતુ ક્યારેક આ ખંજવાળ એટલી વધી જાય છે કે ત્વચા પર ફોલ્લીઓ દેખાવા લાગે છે. તેનાથી છુટકારો મેળવવા માટે લોકો અનેક પ્રકારના પાવડર અને ક્રીમનો ઉપયોગ કરે છે. પરંતુ જો તેનાથી કોઈ અસર ન થાય તો તમે કેટલાક ઘરેલું ઉપચાર પણ અજમાવી શકો છો.

નાળિયેર તેલ

જો વરસાદમાં ભીના થવાથી અથવા કાદવ અને માટીના કારણે તમારા પગમાં ખંજવાળ બંધ ન થઈ રહી હોય તો તમે નારિયેળ તેલનો ઉપયોગ કરી શકો છો. તેમાં હાજર એન્ટી-બેક્ટેરિયલ ગુણ ખંજવાળ અને ઈન્ફેક્શનની સમસ્યાથી રાહત અપાવવામાં મદદરૂપ સાબિત થઈ શકે છે. તેથી, પગ પર નારિયેળ તેલ લગાવો અને 1 કલાક પછી તેને પાણીથી ધોઈ લો. આ બળતરા ઘટાડવા અને ભેજ જાળવી રાખવામાં મદદ કરી શકે છે.

એલોવેરા જેલ

એલોવેરા જેલ ત્વચા માટે ફાયદાકારક માનવામાં આવે છે. તે પગમાં ખંજવાળ અને લાલાશ જેવી સમસ્યાઓથી છુટકારો મેળવવામાં પણ મદદરૂપ સાબિત થઈ શકે છે. તેમાં એન્ટી-બેક્ટેરિયલ ગુણ જોવા મળે છે જે ઈન્ફેક્શનને રોકવામાં મદદરૂપ સાબિત થાય છે. તેથી તમે તમારા પગ પર તાજું એલોવેરા જેલ પણ લગાવી શકો છો.

મીઠું અને ગરમ પાણી

પગની ખંજવાળ ઓછી કરવા માટે, એક ટબમાં ગરમ પાણીમાં એક ચમચી મીઠું મિક્સ કરો અને તમારા પગને 20થી 25 મિનિટ સુધી તેમાં રાખો. આ ખંજવાળ ઘટાડવામાં મદદ કરી શકે છે. ઉપરાંત, તે તમારા શરીરને આરામ આપવા માટે ફાયદાકારક માનવામાં આવે છે.

લીમડાના પાન

જો તમને વરસાદમાં ભીના થવાથી પગમાં ખંજવાળ આવતી હોય તો લીમડાના પાનનો ઉપયોગ કરીને પણ તેનાથી રાહત મેળવી શકાય છે. આ માટે તમારે લીમડાના પાનને પાણીમાં નાખીને થોડી વાર ઉકાળવા પડશે. આ પછી તમારા પગને આ પાણીથી ધોઈ લો. આ ખંજવાળથી રાહત અપાવવામાં મદદરૂપ સાબિત થઈ શકે છે.