Travel Tips / ફ્લાઈટ ટિકિટ મોંઘી હોવાને કારણે નથી કરી શકતા પ્લેનમાં મુસાફરી? તો ફોલો કરો આ 5 ટિપ્સ

સામાન્ય માણસ માટે ફ્લાઈટમાં મુસાફરી કરવી એ મોટી વાત છે. જો તેને એકવાર પણ ફ્લાઈટમાં મુસાફરી કરવાનો મોકો મળે તો તે પોતાને લકી માને છે. કારણ કે ફ્લાઈટની ટિકિટ મોંઘી હોય છે. ટ્રેન દ્વારા લાંબા અંતરની મુસાફરી કરવા માટે તમારે 500 થી 1500 રૂપિયાનો ખર્ચ થશે, જ્યારે ફ્લાઇટ દ્વારા વન-વે મુસાફરી માટે તમારે 5000થી 7000 રૂપિયા ચૂકવવા પડી શકે છે.

આવી સ્થિતિમાં સામાન્ય માણસ માટે આટલો ખર્ચ કરવો સરળ નથી. જો તમે પણ ફ્લાઈટમાં મુસાફરી કરવામાંગો છો, પરંતુ મોંઘી ટિકિટના કારણે નથી કરી શકતા. તો કેટલીક ટિપ્સ ફોલો કરીને, તમે સસ્તામાં ફ્લાઈટ ટિકિટ બુક કરાવી શકો છો.

સસ્તામાં ફ્લાઈટ ટિકિટ કેવી રીતે બુક કરવી?

આ માટે સૌથી પહેલા એ જરૂરી છે કે તમે મુસાફરીના થોડા મહિના પહેલા ટિકિટ બુક કરો. ઉદાહરણ તરીકે, તમારે તમારી મુસાફરીની ટિકિટ 1 મહિના અથવા 2 મહિના અગાઉથી બુક કરાવવી જોઈએ. કારણ કે પ્રવાસના એક દિવસ અથવા 2 દિવસ પહેલા ટિકિટ બુક કરાવવી મોંઘી પડે છે.

જો તમે ક્યાંક ફરવા જવાની યોજના બનાવી રહ્યા છો, તો તે સમયે તમારી ટ્રિપનું આયોજન કરો જ્યારે ઓફ સિઝન હોય. ઉદાહરણ તરીકે, જો તમે નવા વર્ષના સમય દરમિયાન ટિકિટ બુક કરો છો, તો તે તમને મોંઘી પડશે. પરંતુ જો તમે કોઈ તહેવાર ન હોય ત્યારે ફરવા જાવ છો, તો તમને સસ્તામાં ટિકિટ મળી શકે છે.

ફ્લાઈટ ટિકિટ બુક કરતી વખતે, મુસાફરીની તારીખોનો સંપૂર્ણ ચાર્ટ ચેક કરો. જ્યારે તમે એપ દ્વારા ટિકિટ બુક કરો છો, ત્યારે તમારી સામે દૈનિક ફ્લાઈટ ટિકિટનું બજેટ ખુલે છે. તેની સાથે તમે કિંમત જોઈને ટિકિટ બુક કરી શકો છો.

ફ્લાઈટ ટિકિટ માત્ર ઓનલાઈન બુક કરો, કારણ કે આમ કરવાથી તમને ક્રેડિટ કાર્ડ અને ડેબિટ કાર્ડના ઉપયોગથી સારું ડિસ્કાઉન્ટ મળી શકે છે.

કોઈપણ સ્થળ માટે ટિકિટ બુક કરાવતા પહેલા, તમારે ગૂગલ સર્ચ કરવું જોઈએ. અહીં તમે સમય અને એરલાઈન પ્રમાણે તમારી ફ્લાઈટ પસંદ કરો છો. આ લિસ્ટમાં તમને અલગ-અલગ વેબસાઈટ પર અલગ-અલગ ટિકિટ પ્રાઈઝ જોવા મળશે. અહીંથી તમે તમારી પસંદગી મુજબ ટિકિટ બુક કરી શકો છો. ટિકિટ બુક કરાવ્યા બાદ તમે ફ્લાઈટનું સ્ટેટસ પણ ચેક કરી શકો છો.