દિવાળી પર ચહેરાને આપો ફેસ્ટિવલ ગ્લો, મેકઅપ કરતી વખતે અપનાવો આ 7 ખાસ ટિપ્સ

દિવાળીનો તહેવાર હોય અને મહિલાઓ પોતાના લુકને લઈને ખાસ તૈયારી ન કરે એવું કેવી રીતે બને? સુંદર આઉટફિટ અને જ્વેલરીની સાથે પરફેક્ટ મેકઅપ પણ તમારા લુકને ખાસ બનાવે છે. જોકે, તહેવાર દરમિયાન લાંબા સમય સુધી મેકઅપ જળવાઈ રહે અને ચહેરા પર નેચરલ ગ્લો દેખાય તે માટે કેટલીક બાબતોનું ધ્યાન રાખવું જરૂરી છે. મેકઅપ શરૂ કરતા પહેલા ચહેરાને સારી રીતે સાફ કરો અને તમારા સ્કિન ટાઈપ પ્રમાણે મોઇશ્ચરાઇઝર લગાવો. ત્યારબાદ સનસ્ક્રીનનો ઉપયોગ કરો, જેથી ત્વચા સુરક્ષિત રહે.

પ્રાઈમરથી કરો શરૂઆત

મેકઅપ લાંબા સમય સુધી ટકી રહે તે માટે પ્રાઈમર લગાવવું જરૂરી છે. તેનાથી ચહેરા પર સ્મૂધ બેઝ તૈયાર થાય છે અને મેકઅપ વધુ સુંદર દેખાય છે. 

હળવા ફાઉન્ડેશનનો ઉપયોગ કરો

ચહેરા પર વધુ પડતું ફાઉન્ડેશન લગાવવાને બદલે સ્કિન ટોનને મેચ થતું ફાઉન્ડેશન પસંદ કરો. નેચરલ લુક માટે BB અથવા CC ક્રીમ પણ સારો વિકલ્પ છે. 

આંખોને આપો ખાસ લુક

દિવાળી પર ગોલ્ડન, બ્રોન્ઝ અથવા બ્રાઉન આઈશેડો ટ્રાય કરી શકો છો. આ સાથે આઈલાઈનર અને મસ્કારા લગાવવાથી આંખો વધુ આકર્ષક દેખાશે.

બ્લશ અને હાઇલાઇટરનો ઉપયોગ કરો

ગાલ પર હળવો પિંક અથવા પીચ બ્લશ લગાવો. ચહેરાના હાઈ પોઈન્ટ્સ પર થોડું હાઈલાઈટર લગાવવાથી સુંદર ગ્લો મળશે. 

લિપસ્ટિક પસંદ કરવામાં ધ્યાન રાખો

તમારા આઉટફિટ પ્રમાણે ન્યુડ પિંક, બ્રાઉન, મરૂન અથવા બેરી શેડની લિપસ્ટિક પસંદ કરી શકો છો. જો આઈ મેકઅપ હેવી હોય તો લિપસ્ટિક હળવી રાખો. 

મેકઅપ સેટ કરો

મેકઅપ લાંબા સમય સુધી જળવાઈ રહે તે માટે અંતમાં સેટિંગ સ્પ્રેનો ઉપયોગ કરો. ખાસ કરીને દિવાળીની પૂજા અને પાર્ટી દરમિયાન આ ટિપ ઉપયોગી સાબિત થઈ શકે છે.

મેકઅપ હટાવવાનું ભૂલશો નહીં

તહેવારની ઉજવણી પૂરી થયા પછી મેકઅપ રિમૂવરથી ચહેરો સાફ કરો. ત્યારબાદ ફેસવોશથી ચહેરો ધોઈને મોઇશ્ચરાઇઝર લગાવો. યાદ રાખો કે સુંદર દેખાવા માટે વધુ પડતો મેકઅપ જરૂરી નથી. તમારી સ્કિનને અનુકૂળ પ્રોડક્ટ્સ અને યોગ્ય મેકઅપ ટેકનિકથી તમે આ દિવાળીએ સુંદર અને આત્મવિશ્વાસથી ભરપૂર દેખાઈ શકો છો.