Relationship: જાણો 'Man Mums' ટ્રેન્ડ શું છે

ક્યારેક આપણે એકલા પડી જઈએ છીએ અને આવી સ્થિતિમાં આપણને લાગે છે કે કોઈ આપણને પ્રેમથી ગળે લગાવે. ચીનમાં ભાવનાત્મક સેવાનો એક ટ્રેન્ડ છે જેમાં છોકરીઓ છોકરાઓને ગળે લગાવવા માટે પૈસા ચૂકવી રહી છે.

દુનિયાભરમાં દરરોજ નવા ટ્રેન્ડ લોકપ્રિય થઈ રહ્યા છે. તાજેતરમાં ચીનમાં 'Man Mums'નો ટ્રેન્ડ ચાલી રહ્યો છે. આ ટ્રેન્ડમાં છોકરીઓ છોકરાઓને ગળે લગાવવા માટે પૈસા આપે છે. તેને ભાવનાત્મક સેવા પણ કહેવામાં આવે છે. જ્યાં છોકરીઓ છોકરાઓને ગળે લગાવવા માટે પૈસા આપે છે. ચાલો આ ટ્રેન્ડ વિશે જાણીએ.

એવું કહેવાય છે કે એક છોકરી હતી, જેની થીસીસ તૈયારીએ તેને ખૂબ જ તણાવમાં મૂકી દીધી હતી. જ્યારે પણ તે કોઈને ગળે લગાવતી ત્યારે તેનો તણાવ ઓછો થઈ જતો. તે ઘણા દિવસો સુધી આમ કરતી રહી અને તેનો આત્મવિશ્વાસ મજબૂત થતો ગયો. પછી તેણે આ વાત તેના મિત્રોને કહી. તેની આ સ્ટોરી સોશિયલ મીડિયા પર વાયરલ થઈ ગઈ. ત્યાં, વિદ્યાર્થીનીઓ અને યુવાન છોકરીઓમાં 'હગ થેરાપી'ની માંગ વધી ગઈ.

Man Mums કેવી રીતે પસંદ કરવામાં આવે છે?

છોકરીઓ છોકરાઓને ગળે લગાવવા માટે પૈસા આપે છે. છોકરાઓ 250 થી 600 રૂપિયા લે છે. આ ટ્રેન્ડ દરેક જગ્યાએ જોઈ શકાય છે, પછી ભલે તે પાર્ક હોય, મોલ હોય કે મેટ્રો સ્ટેશન હોય. છોકરીઓ ગળે લગાવવા માટે છોકરાઓને પસંદ કરે છે અને તેમની સાથે તેમની લાગણીઓ પણ શેર કરે છે. છોકરીઓ પહેલા છોકરાને જોવે છે અને અનુમાન કરે છે કે તેના ગળે લગાવવાથી તેમને માનસિક શાંતિ મળશે.

તે ફક્ત 'નોકરી' નથી, તે એક ભાવનાત્મક પ્રવૃત્તિ પણ છે

કેટલાક છોકરાઓ તેનો ઉપયોગ વ્યવસાય તરીકે કરે છે, તેઓ '600 રૂપિયામા ગળે લગાવો' લખેલા પોસ્ટરો સાથે ઉભા રહે છે. પરંતુ તેમના શબ્દોમાં કહીએ તો, તે ફક્ત પૈસા કમાવવાનું સાધન નથી, પરંતુ તેઓ કહે છે કે અમારો હેતુ ફક્ત પૈસા કમાવવાનો નથી, પણ ભાવનાત્મક ટેકો પૂરો પાડવાનો પણ છે.

સંબંધોને લગતી સીખ 

લાગણીના ટેકાનું મહત્વ: ક્યારેક આલિંગનની હૂંફ મનનો બોજ હળવો કરે છે.

શક્તિશાળી સંબંધો: મિત્રો, જીવનસાથી અથવા પરિવાર સાથે ખુલીને વાત કરવાથી ભાવનાત્મક જોડાણ વધે છે.