ગણેશ ચતુર્થી પર બાપ્પાને ઘરે લઈ આવવાના છો, તો તેમની સ્થાપના માટે આ રીતે કરો સજાવટ

દર વર્ષે ભાદરવા મહિનાની શુક્લ ચતુર્થી તિથિએ ગણેશ ચતુર્થીનો તહેવાર ઉજવવામાં આવે છે. આ તહેવાર સમગ્ર ભારતમાં ખૂબ જ ઉત્સાહ અને ભક્તિ સાથે ઉજવવામાં આવે છે. આ દિવસે લોકો પોતાના ઘરમાં સમૃદ્ધિ, સુખ અને સૌભાગ્યના પ્રતીક ગણાતા ભગવાન ગણેશની સ્થાપના કરે છે. ગણેશ મૂર્તિઓ ઘરો, જાહેર સ્થળો અને મંદિરોમાં સ્થાપિત કરવામાં આવે છે. આ માટે લોકો તેમના ઘર, પંડાલ અને મંદિરોને ખૂબ જ આકર્ષક રીતે સજાવે છે.

ભક્તો ભગવાન ગણેશની મૂર્તિને સામે ફળો, મીઠાઈઓ અને વિવિધ પ્રકારની વાનગીઓ અર્પણ કરે છે. આ પ્રસંગે વિશેષ પૂજા અને ભજન-કીર્તનનું પણ આયોજન કરવામાં આવે છે. આ તહેવારનું મુખ્ય આકર્ષણ ભગવાન ગણેશની મૂર્તિનું વિસર્જન છે, જે દસમા દિવસે થાય છે. જો તમે પણ આ વર્ષે તમારા ઘરમાં ભગવાન ગણેશની મૂર્તિ સ્થાપિત કરી રહ્યા છો, તો તમે મંદિર અને ઘરની સજાવટ માટે આ ટિપ્સ અપનાવી શકો છો.

યોગ્ય સ્થાન

સૌથી પહેલા ભગવાન ગણેશની મૂર્તિ રાખવા માટે ઘરમાં સૌથી પવિત્ર સ્થાન પસંદ કરો. આ જગ્યા સ્વચ્છ હોવી જોઈએ. સાથે જ અહીં જગ્યા પણ યોગ્ય હોવી જોઈએ જેથી પૂજા અને દર્શન કરવામાં કોઈ તકલીફ ન પડે.

રંગબેરંગી કપડા

ભગવાન ગણેશના પૂજા સ્થળને સજાવવા માટે રંગબેરંગી વસ્ત્રો જેમ કે સુંદર સાડી અને દુપટ્ટાનો ઉપયોગ કરી શકાય. સજાવટ માટે તમે તેને પાછળની દિવાલ પર ઘણી રીતે લગાવી શકો છો. જ્યાં તમે ભગવાન ગણેશની સ્થાપના કરી રહ્યા છો ત્યાં પવિત્ર અને સુંદર વસ્ત્રો ફેલાવો.

ફૂલોની સજાવટ

તમે ભગવાન ગણેશની મૂર્તિની આસપાસ રંગબેરંગી ફૂલોની માળા મૂકી શકો છો. આ માટે તમે ગલગોટા, ગુલાબ અને ચમેલીના ફૂલોનો ઉપયોગ કરી શકો છો. આને પૂજા માટે પણ શુભ માનવામાં આવે છે. તેમજ તેમની સુગંધ પૂજા સ્થાન પર રહેશે. તમે સજાવટ માટે કૃત્રિમ ફૂલોનો ઉપયોગ પણ કરી શકો છો. ઉદાહરણ તરીકે, દિવાલને સજાવવા કરવા માટે કૃત્રિમ ફૂલોનો ઉપયોગ કરો.

લાઈટિંગ

ઘરમાં તેમજ જે જગ્યાએ ગણેશ મૂર્તિની સ્થાપના કરવામાં આવી હોય ત્યાં રંગબેરંગી લાઈટો લગાવો. ખાસ કરીને ભગવાન ગણેશની મૂર્તિની આસપાસ તમે લાઈટિંગની મદદથી તે જગ્યાને સજાવી શકો છો.

રંગીન કાગળો અને ફુગ્ગા

તમે સજાવટ માટે રંગીન કાગળનો પણ ઉપયોગ કરી શકો છો. આ માટે, તમે રંગીન કાગળોમાંથી ફૂલો, પંખા, ઝાલર, છત્રી, પતંગિયા અને દિવાલ પર લટકાવવા જેવી અન્ય વસ્તુઓ બનાવી શકો છો અને તેનો ઉપયોગ સજાવટ માટે કરો, તે 10 દિવસ સુધી આ રીતે રહેશે. આ સિવાય તમે મંદિરને ફુગ્ગાથી સજાવી શકો છો. તમે રંગબેરંગી ફુગ્ગાઓ સાથે દિવાલોને સજાવટ કરી શકો છો. આ માટે તમે બે રંગોના ફુગ્ગાઓનો ઉપયોગ કરીને સજાવટ કરી શકો છો.