સનસ્ક્રીન લગાવ્યા પછી પણ થાય છે ટેનિંગ, તો તેને લગાવતી વખતે ન કરો આ ભૂલો

ભારતમાં મોટાભાગના સ્થળોએ ગરમીના કારણે લોકો પરેશાન છે. હીટસ્ટ્રોકનો ભય જીવલેણ સાબિત થઈ રહ્યો છે. 40 ડિગ્રી સેલ્સિયસથી વધુ તાપમાન ધરાવતા વિસ્તારોમાં ફૂંકાતા ગરમ પવનોને કારણે લોકો બેભાન થઈ રહ્યા છે. વધતી ગરમીના કારણે ત્વચાને પણ નુકસાન થઈ રહ્યું છે. સૂર્યપ્રકાશ, ગરમી અને યુવી કિરણોથી ત્વચાને બચાવવા માટે સનસ્ક્રીન લગાવવામાં આવે છે. ઉનાળામાં, તે ત્વચાની સંભાળ માટે રામબાણ માનવામાં aave છે. 30, 50 કે 70 SPF વાળી સનસ્ક્રીન બજારમાં ઉપલબ્ધ છે. પરંતુ કેટલાક લોકોને સનસ્ક્રીન લગાવવા છતાં ટેનિંગ થાય છે.

મોટાભાગના લોકોના મનમાં એક પ્રશ્ન હોય છે કે તેઓ પોતાની ત્વચાને બચાવવા માટે સનસ્ક્રીન લગાવતા હોવા છતાં ટેનિંગનો શિકાર કેમ બની રહ્યા છે? તેથી તે જાણવું જોઈએ કે શું તમે સનસ્ક્રીન લગાવવામાં કોઈ ભૂલ કરો છો? આવો અમે તમને જણાવીએ કે સનસ્ક્રીન લગાવતી વખતે લોકો કઈ કઈ ભૂલો કરે છે.

સનસ્ક્રીન શા માટે મહત્ત્વપૂર્ણ છે?

માત્ર સૂર્યપ્રકાશ અને તીવ્ર ગરમી જ નહીં પરંતુ યુવી કિરણો પણ ત્વચાને નુકસાન પહોંચાડે છે. જો તમે લાંબા સમય સુધી બહાર રહો છો તો ત્વચા કાળી પડવા લાગે છે. આવી સ્થિતિમાં, ત્વચાને સુરક્ષિત રાખવા માટે સનસ્ક્રીનનો ઉપયોગ કરવાની સલાહ આપવામાં આવે છે. વાસ્તવમાં, બજારમાં ઉપલબ્ધ તમામ સનસ્ક્રીનમાં, આવા ફોર્મ્યુલાનો ઉપયોગ કરવામાં આવે છે જે તેને ડેમેજ અને ડાર્કનેસથી બચાવે છે. સનસ્ક્રીનના ઘણા પ્રકારો છે, જેમાં SPF 30, 50 અને 70 સામાન્ય છે. પરંતુ આ બ્યુટી પ્રોડક્ટ લગાવવા છતાં કેટલાક લોકોને ટેનિંગ થઈ જાય છે. તેનું કારણ છે તેને લગાવવામાં થયેલી ભૂલો.

સનસ્ક્રીન લગાવ્યા પછી તરત બહાર જવું

સનસ્ક્રીન લગાવવાનો એક મહત્ત્વનો નિયમ એ છે કે તેને ત્વચા પર લગાવ્યાના અડધા કલાક પછી જ બહાર જવું. આમ કરવાથી તે ત્વચામાં સારી રીતે શોષાઈ જાય છે. પરંતુ લોકો આ બાબત પર વધુ ધ્યાન આપતા નથી અને તેઓ તેને લગાવતાની સાથે જ બહાર નીકળી જાય છે. આ ભૂલને કારણે આ બ્યુટી પ્રોડક્ટ શ્રેષ્ઠ પરિણામ આપી નથી શકતી.

સ્કિન ટાઈપ અવગણવું

સામાન્ય રીતે દરેક બ્યુટી પ્રોડક્ટ લગાવતા પહેલા એ જાણવું જરૂરી છે કે તમારી સ્કિન કેવા પ્રકારની છે. ઓઈલી સ્કિન ધરાવતા લોકોએ હંમેશા જેલ સનસ્ક્રીન લગાવવી જોઈએ. ભારતમાં, લોકો ત્વચાના પ્રકાર પર ધ્યાન આપતા નથી અને કોઈપણ સનસ્ક્રીન લગાવે છે. આવી સ્થિતિમાં, તે યોગ્ય રીતે કામ કરી શકતું નથી અને યોગ્ય પરિણામ પણ નથી મળતું.

હવામાન બદલાતાની સાથે જ લગાવવાનું બંધ કરવું

લોકોમાં એક માન્યતા છે કે ઉનાળામાં જ સનસ્ક્રીન લગાવવી જોઈએ. જ્યારે આ વિચાર ખોટો છે. હવામાન બદલાય તો પણ તમારે સનસ્ક્રીન લગાવવાનું બંધ ન કરવું જોઈએ. જો રૂટિન તૂટી જાય તો ત્વચાને નુકસાન થવાનું જોખમ પણ વધી શકે છે.

બહાર જતી વખતે જ સનસ્ક્રીન લગાવવું

લોકો એવું પણ માને છે કે બહાર જવું હોય તો જ સનસ્ક્રીન લગાવવું જરૂરી છે. નિષ્ણાતો કહે છે કે આપણે ઘરમાં રહીને પણ તેને દિવસમાં ત્રણ વખત લગાવવું જોઈએ. ટેનિંગ માત્ર સૂર્યપ્રકાશને કારણે જ નહીં પરંતુ હવામાનમાં રહેલી ગરમીને કારણે પણ થાય છે. આપણી ત્વચાને ટેનિંગથી બચાવવા ઉપરાંત, આ બ્યુટી પ્રોડક્ટ બીજા ઘણા ફાયદા પણ આપે છે. બજારમાં એવી સનસ્ક્રીન પણ ઉપલબ્ધ છે જે ત્વચાને મોઈશ્ચરાઈઝ રાખવામાં પણ મદદ કરે છે.