Summer Recipe / ગરમી દૂર કરી ઠંડક આપશે નારિયેળની આઈસ્ક્રીમ, આ રહી ઘરે બનાવવાની રીત

ઉનાળામાં આઈસ્ક્રીમ ખાવાનો એક અલગ જ આનંદ હોય છે. કેટલાક લોકો બજારની આઈસ્ક્રીમ ખાવામાં ખચકાય છે, આવી સ્થિતિમાં આજે આ લેખમાં અમે તમને ઘરે હેલ્ધી અને ટેસ્ટી નાળિયેર આઈસ્ક્રીમ કેવી રીતે બનાવવો તે જણાવીશું. આ સરળ રેસીપીની મદદથી તમે ઘરે જ આઈસ્ક્રીમ બનાવી શકો છો અને કોઈપણ ખચકાટ વગર ખાઈ શકો છો.

સામગ્રી

• 2 કેન ફુલ-ફેટ નારિયેળનું દૂધ (રાતભર રેફ્રિજરેટ કરેલું)
• 3/4 કપ કન્ડેન્સ્ડ મિલ્ક
• 1ચમચી વેનીલા એક્સટ્રેકટ
• 1 ચપટી મીઠું
• 1/2 કપ શેકેલું નારિયેળ (વૈકલ્પિક)
• ચોકલેટ ચિપ્સ અને બદામ (વૈકલ્પિક)

બનાવવાની રીત

• સૌ પ્રથમ, ખાતરી કરો કે નારિયેળનું દૂધ રાતોરાત રેફ્રિજરેટરમાં કરવામાં આવ્યું હોય.
• ઉપરાંત, તમારા મિક્સિંગ બાઉલ અને  વ્હિસ્કર (અથવા બીટર) ને ફ્રીઝરમાં ઓછામાં ઓછા 15 મિનિટ માટે ઠંડા કરો.
• હવે રેફ્રિજરેટેડ કેનની ઉપરથી નાળિયેર ક્રીમને કાળજીપૂર્વક તમારા ઠંડા મિક્સિંગ બાઉલમાં કાઢો.
• તમારી પાસે લગભગ દોઢથી બે કપ ઘટ્ટ ક્રીમ હોવી જોઈએ.
• પછી નાળિયેર ક્રીમને ઈલેક્ટ્રિક મિક્સરવડે મીડીયમ અથવા ફૂલ સ્પીડ પર ફેટો જ્યાં સુધી તે એકદમ હળવી ન થઈ જાય. 
• હવે ધીમે ધીમે કન્ડેન્સ્ડ દૂધ ઉમેરો અને સારી રીતે મિક્સ થાય ત્યાં સુધી સ્લો સ્પીડ પર ફેંટતા રહો.
• હવે તેમાં વેનીલા એક્સટ્રેકટ અને મીઠું ઉમેરો અને સારી રીતે મિક્સ કરો.
• જો તમે કોઈ મિક્સ-ઈન્સ (શેકેલું નારિયેળ, ચોકો ચિપ્સ કે બાદમ) વાપરી રહ્યા છો, તો તેને આઈસ્ક્રીમ બેઝમાં મિક્સ કરો.
• આઈસ્ક્રીમ મિશ્રણને ફ્રીઝર કન્ટેનરમાં ટ્રાન્સફર કરો. તેને પ્લાસ્ટિક રેપથી ઢાંકી દો અને પછી ઢાંકણ બંધ કરી દો.
• આઈસ્ક્રીમને ઓછામાં ઓછા 6 કલાક અથવા આખી ફ્રીઝમાં રાખો.
• સર્વ કરતા પહેલા, આઈસ્ક્રીમને રૂમ ટેમ્પરેચર પર લગભગ 5-10 મિનિટ માટે નરમ થવા દો જેથી તેને કાઢવામાં સરળતા રહે.
• આ પછી સર્વિંગ બાઉલમાં આઈસ્ક્રીમ લઈ તેને ઠંડી-ઠંડી સર્વ કરો.