શું ઉનાળામાં દક્ષિણ ભારતની મુલાકાત લેવી જોઈએ? જાણો ઠંડકનો અનુભવ કરાવતી જગ્યાઓ વિશે

ઉનાળામાં ભારતના વિવિધ સ્થળોએ અલગ-અલગ હવામાન હોય છે. અમુક જગ્યાએ તાપમાન ભેજવાળું છે તો અમુક જગ્યાએ તાપમાન ગરમ છે. તો કેટલીક એવી જગ્યાઓ પણ છે જયાનું તાપમાન ઠંડુ છે. આવી સ્થિતિમાં, જો તમે ઉનાળાની ઋતુમાં કોઇપણ જગ્યાની મુલાકાત લેવાનું વિચારી રહ્યા છો, તો ત્યાંના તાપમાન વિશે અગાઉથી માહિતી એકત્રિત કરો. વાસ્તવમાં, ઉનાળાની ઋતુમાં, લોકો ઠંડી જગ્યાઓની શોધમાં હિમાચલ પ્રદેશ અને ઉત્તરાખંડની ખીણોમાં ફરવાનું પસંદ કરે છે. પરંતુ શું આપણે ઉનાળામાં ઉત્તર ભારતને બદલે દક્ષિણ ભારતની મુલાકાત લઈ શકીએ?

ઉનાળો એ દક્ષિણ ભારતની મુલાકાત લેવાનો ઉત્તમ સમય છે. મે અને જૂન મહિનામાં દક્ષિણ ભારતમાં હવામાન સામાન્ય રીતે ખૂબ જ ગરમ અને શુષ્ક હોય છે, પરંતુ ઘણા સ્થળોએ આ સમય દરમિયાન વરસાદ અને આહલાદક હવામાન પણ હોય છે. તમે ઉનાળાની ઋતુમાં દક્ષિણ ભારતમાં આ સ્થળોની મુલાકાત લઈ શકો છો.

કુન્નુર, તમિલનાડુ

દક્ષિણ ભારતમાં મુલાકાત લેવા માટે શ્રેષ્ઠ સ્થળો પૈકીનું એક કુન્નુર છે, જે નીલગિરી પર્વતોમાં હરિયાળી વચ્ચે આવેલું છે. કપલ્સ આ સ્થળની રોમેન્ટિક સફર પર જઈ શકે છે. ઉનાળામાં કુન્નુરનું હવામાન ખુશનુમા હોય છે અને અહીં ઠંડકનો અનુભવ થાય છે. અહીં ઘણા પ્રવાસન સ્થળો જોવાની સાથે, ટ્રેકિંગ જેવી રોમાંચક પ્રવૃત્તિઓમાં સામેલ થવાની તક છે. કોઈમ્બતુર એરપોર્ટ કુન્નુરની નજીક છે અને નજીકનું રેલ્વે સ્ટેશન મેટ્ટુપલયમ છે.

વાયનાડ, કેરળ

તમે ઉનાળા દરમિયાન કેરળમાં વાયનાડની મુલાકાત લઈ શકો છો. આ શહેર દક્ષિણ ભારતના શ્રેષ્ઠ પર્યટન સ્થળોમાંનું એક છે. વાયનાડનું લીલુંછમ સ્વર્ગ પશ્ચિમ ઘાટમાં આવેલું છે અને તેની સુંદર સંસ્કૃતિ અને વારસા માટે જાણીતું છે.

ઉટી, તમિલનાડુ

તમે મે-જૂન મહિનામાં તમિલનાડુના ઉટીની મુલાકાત લઈ શકો છો. ઉનાળામાં આ શ્રેષ્ઠ પ્રવાસન સ્થળોમાંનું એક છે. ઉટીમાં મનોહર ડુંગરાળ રસ્તાઓ, ચાના બગીચાઓ અને સરોવરો છે, જે તેને દક્ષિણ ભારતના સુંદર સ્થળોમાંનું એક બનાવે છે જ્યાં વિશ્વભરના લોકો મુલાકાત લેવા આવે છે. આ સ્થળોનું શાંત અને સુખદ હવામાન પરિવાર અથવા મિત્રો સાથે મુલાકાત લેવા માટે શ્રેષ્ઠ છે.

મુન્નાર, કેરળ

જૂનમાં મુલાકાત લેવા માટે દક્ષિણ ભારતના શ્રેષ્ઠ સ્થળોમાં મુન્નાર એક પ્રખ્યાત સ્થળ છે. ઊંડી ખીણો, મનોહર ટેકરીઓ અને સુંદર ચાના બગીચાઓ સાથે, મુન્નાર કોઈ ડ્રીમ લેન્ડથી ઓછું નથી. દક્ષિણ ભારતનું સૌથી ઊંચું શિખર અનમુદી શિખર મુન્નારમાં આવેલું છે.

કુર્ગ, કર્ણાટક

દક્ષિણ ભારતના સૌથી આકર્ષક સ્થળો પૈકીનું એક કુર્ગ મે-જૂન મહિનામાં ફરવા માટે શ્રેષ્ઠ છે. કુર્ગ પર્વત શિખરો, સુંદર દૃશ્યો, આહ્લાદક હવામાન અને મોહક ધોધનું અદ્ભુત પેકેજ છે. ઉપરાંત, કુર્ગ હનીમૂન માટે દક્ષિણ ભારતમાં સૌથી સુંદર સ્થળોમાંનું એક છે. જો તો કુર્ગ ફરવા જાવ તો તમારી સફર ત્યાંના અસાધારણ મસાલા અને કોફીના વાવેતરને જોયા વિના અધૂરી રહેશે.