Beauty Tips: તમારા વાળના પ્રકાર મુજબ કરો હેર વોશ, જાણો અઠવાડિયામાં કેટલી વાર શેમ્પૂ કરવું છે યોગ્ય

Hair Wash: ગરમી અને ચોમાસાની ઋતુમાં પરસેવો, ધૂળ, ભેજ અને પ્રદૂષણને કારણે વાળ ઝડપથી ગંદા અને ચીકણા થઈ જાય છે. આવી સ્થિતિમાં, ઘણા લોકો દરરોજ વાળ ધોવાનું યોગ્ય માને છે જેથી સ્કેલ્પ સાફ રહે અને વાળ ફ્રેશ અનુભવાય. પરંતુ શું દરરોજ શેમ્પૂ કરવું ખરેખર વાળ માટે યોગ્ય છે?

નિષ્ણાતોના મતે, વારંવાર વાળ ધોવાથી સ્કેલ્પનું કુદરતી તેલ ઓછું થઈ શકે છે, જેનાથી વાળ સૂકા, બેજાન અને નબળા થવા લાગે છે. બીજી તરફ, લાંબા સમય સુધી વાળ ન ધોવાથી ડેન્ડ્રફ (ખોડો), ખંજવાળ અને સ્કેલ્પ ઈન્ફેક્શન જેવી સમસ્યાઓ પણ વધી શકે છે. તેથી ઋતુ, હેર ટાઈપ અને લાઈફસ્ટાઈલ મુજબ યોગ્ય હેર વોશ રૂટિન અપનાવવું ખૂબ જ જરૂરી છે.

ચાલો જાણીએ કે ગરમી અને ચોમાસામાં અઠવાડિયામાં કેટલી વાર વાળ ધોવા જોઈએ અને કઈ બાબતોનું ધ્યાન રાખવું જોઈએ.

નિષ્ણાતોના જણાવ્યા અનુસાર, વાળ ધોવાની સાચી સંખ્યા તમારા હેર ટાઈપ પર આધાર રાખે છે:

• ઓઈલી સ્કેલ્પ (તેલીય ત્વચા): અઠવાડિયામાં ૩ થી ૪ વાર વાળ ધોઈ શકો છો.
• નોર્મલ હેર (સામાન્ય વાળ): અઠવાડિયામાં ૨ થી ૩ વાર હેર વોશ પૂરતું છે.
• ડ્રાય હેર (સૂકા વાળ): અઠવાડિયામાં ૧ થી ૨ વાર વાળ ધોવા વધુ સારું માનવામાં આવે છે.
• જો તમે દરરોજ વર્કઆઉટ કરો છો અથવા ખૂબ પરસેવો થાય છે, તો જરૂરિયાત મુજબ માઈલ્ડ શેમ્પૂનો ઉપયોગ કરી શકાય છે.

શું રોજ વાળ ધોવા યોગ્ય છે?

જો તમે રોજ સ્ટ્રોન્ગ શેમ્પૂથી વાળ ધોવો છો, તો આનાથી વાળનું કુદરતી મોઇશ્ચર ખતમ થઈ શકે છે. જો કે, ખૂબ વધારે પરસેવો થવા પર કે પ્રદૂષણમાં રહેવા પર હળવા શેમ્પૂનો ઉપયોગ કરી શકાય છે.

વાળ ધોતી વખતે રાખો આ બાબતોનું ધ્યાન

• બહુ ગરમ પાણીથી વાળ ન ધોવા.
• માઈલ્ડ અથવા સલ્ફેટ-ફ્રી શેમ્પૂનો ઉપયોગ કરવો.
• શેમ્પૂ કર્યા પછી કન્ડિશનર ચોક્કસ લગાવવું.
• ભીના વાળમાં જોરજોરથી કાંસકો ન ફેરવવો.
• હેર ડ્રાયરનો ઉપયોગ ઓછો કરવો.
• સ્કેલ્પને સાફ રાખવું અને જરૂરિયાત કરતાં વધુ શેમ્પૂ કરવાથી બચવું.

રોજ વાળ ધોવાના નુકસાન

વાળ સૂકા અને બેજાન થઈ શકે છે.

હેર ફોલ સમસ્યા વધી શકે છે.

સ્કેલ્પનું નેચરલ ઓઈલ  ખતમ થઈ શકે છે.

વાળની ચમક ઓછી થઈ શકે છે.

બે મોઢાવાળા વાળની સમસ્યા વધી શકે છે.

હંમેશા ધ્યાન રાખો આ વાતો

ગરમી અને ચોમાસામાં વાળની સફાઈ જરૂરી છે, પરંતુ દરરોજ શેમ્પૂ કરવું બધા માટે યોગ્ય નથી હોતું. તમારા હેર ટાઈપ અને સ્કેલ્પની જરૂરિયાત મુજબ અઠવાડિયામાં ૨ થી ૪ વાર વાળ ધોવા વધુ સારું માનવામાં આવે છે. યોગ્ય હેર કેર રૂટિન અપનાવીને તમે વાળને સ્વસ્થ, મજબૂત અને ચમકદાર બનાવી રાખી શકો છો.