17 વર્ષની દીકરી વૃદ્ધો માટે કરી રહી આવું કાર્ય, દાદા માટે પૌત્રીને આવ્યો આ વિચાર 

આ કહાની છે 17 વર્ષીય તેજસ્વી મનોજની, જેણે ટેકનોલોજી સાથે જોડાણ કર્યું અને તેનો ઉપયોગ માનવતા હેતુઓ માટે કર્યો. અમેરિકાના ટેક્સાસની રહેવાસી તેજસ્વી મનોજ વૃદ્ધોને મદદ કરવા માટે ટેકનોલોજીનો ઉપયોગ કરી રહી છે. ટાઇમ મેગેઝિને તેને "કિડ ઓફ ધ યર 2025"માં પસંદ કરી. તેના દાદા સામે ઓનલાઈન છેતરપિંડીના પ્રયાસ પછી તેજસ્વીએ તેની બધી શક્તિ એક એવી ટેકનોલોજી વિકસાવવા માટે સમર્પિત કરી દીધી જે વૃદ્ધોને ઓનલાઈન સુરક્ષિત રહેવામાં મદદ કરી શકે. તેજસ્વીના પ્રયાસોએ તેને વિશ્વભરમાં પ્રખ્યાત બનાવી છે.

આ રીતે કહાની શરૂ થઈ

તેજસ્વીની સામાન્યથી ખાસ બનવાની સફર તેના દાદાના ઈમેલથી શરૂ થઈ. ફેબ્રુઆરી 2024માં તેજસ્વીને ખબર પડી કે તેના દાદા પાસે  ઈમેલ આવ્યો છે, જેમાં કાકા તરફથી નાણાકીય મદદ માંગવામાં આવી. ઈમેલ મુજબ, તેજસ્વી બે હજાર ડોલરની લોનમાં ફસાઈ ગઈ છે, અને તેને તેજસ્વીની મદદની જરૂર હતી. શક્ય હતું કે તેના દાદા લાગણીથી પ્રભાવિત થયા હોત અને મદદનો હાથ આપ્યો હોત. જોકે, નસીબ તેની બાજુમાં હતું. તે છેતરપિંડીથી બચી ગયા. જો કે, હંમેશા એવું નથી હોતું.

બસ અહીંથી શરૂ થઈ તેજસ્વીની કહાની. તેને સમજાયું કે ફક્ત તેના દાદા જ નહીં, પરંતુ તેના જેવા ઘણા વૃદ્ધ લોકોને છેતરપિંડીથી બચાવવાની જરૂર છે. જ્યારે તેજસ્વીએ ઇન્ટરનેટ પર શોધ કરી, ત્યારે તેને જાણવા મળ્યું કે FBIના ઇન્ટરનેટ ક્રાઇમ ફરિયાદ કેન્દ્ર અનુસાર, ઓનલાઇન કૌભાંડોના આશરે 860,000 અહેવાલો હતા, જેમાં $16 બિલિયનથી વધુનું નુકસાન થવાની સંભાવના હતી. આમાંથી 60 વર્ષથી વધુ ઉંમરના લોકોને લક્ષ્ય બનાવતી છેતરપિંડીઓ આશરે $5 બિલિયનની હતી, જે પાછલા વર્ષ કરતા 32 ટકા વધુ છે.

શિલ્ડ સિનિયર્સની યાત્રા

તેજસ્વીએ એક વર્ષમાં શિલ્ડ સિનિયર્સ નામની વેબસાઇટ બનાવી, જેથી વરિષ્ઠ નાગરિકોને ઓનલાન કૌભાંડો ઓળખવા અને છેતરપિંડીથી બચાવવાનું શીખવી શકાય. આ વેબસાઇટ 60 વર્ષથી વધુ ઉંમરના લોકોને છેતરપિંડીભર્યા મેસેજ ઓળખવા, વિશ્લેષણ કરવા અને રિપોર્ટ કરવામાં મદદ કરે છે. તે ચાર મુખ્ય પાસાઓ પર ધ્યાન કેન્દ્રિત કરે છે. નેટવર્ક સુરક્ષા, મજબૂત પાસવર્ડ, ગોપનીયતા સેટિંગ્સ અને ઓનલાઈન છેતરપિંડીને ઓળખવા. આ પાસાઓ વેબસાઇટ પર સરળ ભાષામાં સમજાવવામાં આવ્યા છે. આ વેબસાઇટ પર વપરાશકર્તાઓ શંકાસ્પદ ઇમેઇલ્સ અથવા મેસેજ અપલોડ કરી શકે છે, અને AI સિસ્ટમ લગભગ 95 ટકા સુધી ચોકસાઇથી જવાબ આપે છે કે મેસેજ સ્કેમ છે કા પછી સાચો. જો મેસેજમાં કંઈક શંકાસ્પદ મળે છે, તો સંબંધિત એજન્સીઓને તેની જાણ કરવા માટેની લિંક પણ વેબસાઇટ પર ઉપલબ્ધ છે.

આઠમા ધોરણમાં કોડિંગ શરૂ કર્યું

આઠમા ધોરણમાં જ્યારે બાળકો પોતાના સપનાઓ બનાવવા માટે વ્યસ્ત હોય છે, ત્યારે તેજસ્વીએ કોડિંગ શીખવાનું શરૂ કર્યું. તેને કામમાં માતાપિતા તરફથી પણ મદદ મળી, કારણ કે તેઓ IT વ્યાવસાયિકો પણ છે. તેજસ્વીએ જાવા, પાયથોન અને HTMLથી શરૂઆત કરી, અને સમય જતાં તેને સમજાયું કે કોડિંગ કેટલું અદ્ભુત છે. સમય જતાં તેજસ્વીએ પોતાની કુશળતાને નિખારવી. પરિણામે 2024માં યોજાયેલી રાષ્ટ્રીય સ્તરની કોડિંગ સ્પર્ધા, કોંગ્રેસનલ એપ ચેલેન્જમાં તેની પ્રતિભાને ઓળખવામાં આવી અને પ્રશંસા કરવામાં આવી.

ભવિષ્યની યોજનાઓ

આ વેબસાઇટ હાલમાં ખાનગી પ્રિવ્યૂ મોડમાં છે. વધું લોકો સુધી પહોંચવા માટે તેને સંશોધન, વિકાસ અને ભંડોળની જરૂર છે. તેજસ્વી આ પહેલને વધુ આગળ લઈ જવા માટે કામ કરી રહી છે.

સંગીતથી સમાજ સેવા સુધી

તેજસ્વી એક જ જીવનમાં અનેક ભૂમિકાઓ ભજવે છે. તેને સંગીતમાં પણ રસ છે. તેણે તેના શાળાના ઓર્કેસ્ટ્રામાં વાયોલિન વગાડે છે. તે એક શિક્ષિકા પણ છે. તેજસ્વી સ્કાઉટિંગ અમેરિકા સાથે સંકળાયેલી છે અને એક બિન-લાભકારી સંસ્થા દ્વારા ભૂટાની શરણાર્થીઓને ગણિત અને અંગ્રેજી શીખવે છે. વધુમાં તે નોર્થ ટેક્સાસ ફૂડ બેંક યંગ એડવોકેટ્સ કાઉન્સિલમાં સેવા આપે છે.