Video: "ભાજપનો મોર્ચો નફો કરાવશે અને કોંગ્રેસથી નુકસાન?" પવન ખેડાનો ભાજપ પર વેધક સવાલ!
દિલ્હીમાં ભારતીય જનતા પાર્ટી (BJP) દ્વારા 'લોકશાહી બચાવો, અરાજકતા હટાવો' (Save Democracy, Remove Anarchy) બેનર હેઠળ યોજાનારા વિરોધ પ્રદર્શન અને મોર્ચાને લઈને રાજકીય વાકયુદ્ધ તેજ બન્યું છે. ભાજપના આ પ્રદર્શન પર કોંગ્રેસના વરિષ્ઠ નેતા અને સાંસદ પવન ખેડાએ જોરદાર વળતો પ્રહાર કર્યો છે.
પવન ખેડાએ ભાજપના બેવડા વલણ પર સવાલ ઉઠાવતા જણાવ્યું હતું કે, "તમારે ભાજપને પૂછવું જોઈએ કે તેમના આ મોર્ચાથી દિલ્હીના વેપારીઓને નુકસાન થશે કે નફો? શું ભાજપ મોર્ચો કાઢે તો વેપારીઓને ફાયદો થાય છે અને જ્યારે કોંગ્રેસ વિરોધ પ્રદર્શન કરે ત્યારે જ વેપારીઓને નુકસાન થાય છે?"
ઉલ્લેખનીય છે કે, સામાન્ય રીતે વિપક્ષના વિરોધ પ્રદર્શનો વખતે બજારો બંધ રહેવા અથવા ટ્રાફિક જામથી વેપાર-ધંધાને નુકસાન થવાના ભાજપ દ્વારા આક્ષેપો કરવામાં આવતા હોય છે. ત્યારે હવે ભાજપ દ્વારા જ દિલ્હીમાં મોટા પાયે મોર્ચો કાઢવામાં આવી રહ્યો હોવાથી કોંગ્રેસે આ જ મુદ્દે ભાજપને ઘેરીને આકરા સવાલો પૂછ્યા છે. પવન ખેડાના આ તીખા પ્રહાર બાદ બંને પક્ષો વચ્ચે આરોપ-પ્રત્યારોપનો દોર વધુ તેજ બન્યો છે.
