VIDEO : ચંદેરકોટ યાત્રી નિવાસ ખાતે સુરક્ષા દળોની મોક ડ્રીલ

અમરનાથ યાત્રાને સુરક્ષિત અને શાંતિપૂર્ણ રીતે સંપન્ન કરાવવા માટે જમ્મુ-કાશ્મીર પોલીસ અને સુરક્ષા દળો દ્વારા તૈયારીઓ તેજ કરવામાં આવી છે. રામબનના ચંદેરકોટ ખાતે આવેલા યાત્રી નિવાસમાં આજે સુરક્ષા દળો દ્વારા એક વ્યાપક મોક ડ્રીલ નું આયોજન કરવામાં આવ્યું હતું. આ કવાયતનો મુખ્ય ઉદ્દેશ્ય સંભવિત ઈમરજન્સી પરિસ્થિતિઓ, આતંકવાદી હુમલા કે અન્ય કોઈ અણધાર્યા જોખમો સામે સુરક્ષા દળોની સજ્જતા અને ત્વરિત પ્રતિભાવની ચકાસણી કરવાનો હતો. મોક ડ્રીલ દરમિયાન સુરક્ષા દળોએ યાત્રી નિવાસમાં પ્રવેશતા શંકાસ્પદ વ્યક્તિઓ અથવા વિસ્ફોટક પદાર્થોની તપાસ, ઘાયલોને બચાવવા અને પરિસ્થિતિ પર કાબૂ મેળવવા જેવી વિવિધ પરિસ્થિતિઓનું રિહર્સલ કર્યું હતું. વરિષ્ઠ અધિકારીઓએ સુરક્ષા ગ્રીડની સમીક્ષા કરી હતી અને શ્રદ્ધાળુઓની સુરક્ષા સુનિશ્ચિત કરવા માટે નિર્દેશો આપ્યા હતા. ઉલ્લેખનીય છે કે ચંદેરકોટ બેઝ કેમ્પ યાત્રિકો માટેનું મુખ્ય પડાવ છે, જ્યાં સુરક્ષા વ્યવસ્થાને સર્વોચ્ચ પ્રાથમિકતા આપવામાં આવી છે.