VIDEO: દેહરાદૂન મા ધોધમાર વરસાદ વાતાવરણ ઠંડુંગાર બની ગયું છે
છેલ્લું અપડેટ : 05 Jun 2026
ઉત્તરાખંડની રાજધાની દેહરાદૂન અને તેની આસપાસના વિસ્તારોમાં ગુરુવારે મોડી સાંજે અચાનક હવામાનમાં પલટો આવ્યો હતો અને જોરદાર પવન સાથે ધોધમાર વરસાદ શરૂ થયો હતો. છેલ્લા કેટલાક દિવસોથી પડી રહેલી કાળઝાળ ગરમી અને અસહ્ય ઉકળાટથી પરેશાન સ્થાનિક રહેવાસીઓ અને પ્રવાસીઓને આ વરસાદના કારણે મોટી રાહત મળી છે. વરસાદ પડતાં જ સમગ્ર ઘાટીમાં વાતાવરણ આહલાદક અને ઠંડુંગાર બની ગયું છે. શહેરના પલટન બજાર, રાજપુર રોડ અને ક્લેમેન્ટ ટાઉન સહિતના વિવિધ વિસ્તારોમાંથી સામે આવેલા દ્રશ્યોમાં રસ્તાઓ પર પાણી ભરાયેલા જોવા મળ્યા હતા અને લોકો લાંબા સમય બાદ આ મોસમના પ્રથમ ભારે વરસાદની મજા માણતા નજરે પડ્યા હતા. જો કે, અચાનક શરૂ થયેલા તેજ પવન અને વરસાદને કારણે શહેરના કેટલાક નીચાણવાળા વિસ્તારોમાં ટ્રાફિક જામની સમસ્યા સર્જાઈ હતી. હવામાન વિભાગે આગામી બે દિવસ સુધી પહાડી વિસ્તારોમાં હળવાથી મધ્યમ વરસાદ અને વાવાઝોડાની આગાહી જાહેર કરી છે.
