Indian Navy/ વાઈસ એડમિરલ દિનેશ ત્રિપાઠી આગામી નેવી ચીફ તરીકે નિયુક્ત, 30 એપ્રિલે ચાર્જ સંભાળશે

કેન્દ્ર સરકારે વાઈસ એડમિરલ દિનેશ ત્રિપાઠીને આગામી નેવી ચીફ તરીકે નિયુક્ત કર્યા છે. તેઓ 30 એપ્રિલે તેમનું નવું પદ સંભાળશે. હાલમાં વાઇસ એડમિરલ ત્રિપાઠી નૌકાદળના વાઇસ ચીફ છે. આ પહેલા તેઓ વેસ્ટર્ન નેવલ કમાન્ડના ફ્લેગ ઓફિસર કમાન્ડિંગ ઇન ચીફ હતા.

https://twitter.com/ANI/status/1781032124356894930?

તેમની લગભગ 40 વર્ષની લાંબી કારકિર્દીમાં તેઓ ઘણા મહત્ત્વપૂર્ણ અભિયાનો સાથે જોડાયેલા રહ્યા છે. દિનેશ ત્રિપાઠી, સૈનિક સ્કૂલ, રીવા અને નેશનલ ડિફેન્સ એકેડમી, ખડગવાસલાના ભૂતપૂર્વ વિદ્યાર્થી હતા. 1 જુલાઈ, 1985 ના રોજ નૌકાદળમાં જોડાયા. સંચાર અને ઈલેક્ટ્રોનિક યુદ્ધના નિષ્ણાત ત્રિપાઠીએ અદ્યતન નૌકા જહાજો પર સિગ્નલ કોમ્યુનિકેશન ઓફિસર અને ઈલેક્ટ્રોનિક વોરફેર ઓફિસર તરીકે સેવા આપી છે.

બાદમાં ગાઈડેડ મિસાઈલ ડિસ્ટ્રોયર INS મુંબઈના એક્ઝિક્યુટિવ ઓફિસર અને પ્રિન્સિપલ વોર ઓફિસર તરીકે સેવા આપી હતી. તેમણે આઈએનએસ વિનાશ, કિર્ચ અને ત્રિશુલને પણ કમાન્ડ કર્યા છે. તેમને અતિ વિશિષ્ઠ સેવા મેડલ અને નેવી મેડલ પણ એનાયત કરવામાં આવ્યા છે. તેમની પત્ની શશી ત્રિપાઠી એક કલાકાર અને હોમ મેકર છે. તેમનો પુત્ર વકીલ છે.