VIDEO:રાંચીમાં RSS કાર્યાલય પર પથ્થરમારો, અજાણ્યા હુમલાખોરોથી તણાવનો માહોલ
છેલ્લું અપડેટ : 17 Jun 2026
સોર્સ : GSTV
ઝારખંડની રાજધાની રાંચીના નિવારણપુર વિસ્તારમાં આવેલી રાષ્ટ્રીય સ્વયંસેવક સંઘની ઓફિસ પર મોડી રાત્રે અજાણ્યા શખ્સોએ હુમલો કર્યો છે. મળતી માહિતી મુજબ, અંધારાનો લાભ લઈને આવેલા હુમલાખોરોએ કાર્યાલય પર પથ્થરમારો કર્યો હતો, જેના કારણે ત્યાંના માહોલમાં ભારે તણાવ ફેલાઈ ગયો છે. આ ઘટનાની જાણ થતાં જ સ્થાનિક પોલીસ અને ઉચ્ચ અધિકારીઓ ઘટનાસ્થળે પહોંચી ગયા હતા. પોલીસે આસપાસના સીસીટીવી ફૂટેજની તપાસ શરૂ કરી છે જેથી ગુનેગારોની ઓળખ કરી શકાય. સંઘના કાર્યકર્તાઓએ આ ઘટનાની આકરી નિંદા કરી છે અને કડક કાર્યવાહીની માંગ કરી છે. હાલમાં વિસ્તારમાં શાંતિ જાળવવા માટે પોલીસ બંદોબસ્ત ગોઠવી દેવામાં આવ્યો છે.
