Video: ગંગા એક્સપ્રેસ વે પર સ્લીપર બસ અચાનક પલટી

ઉત્તર પ્રદેશના સંભલમાં ગંગા એક્સપ્રેસ વે પર બિહાર જઈ રહેલી એક મુસાફરોથી ભરેલી સ્લીપર બસ અચાનક પલટી મારી જતાં ભયાનક અકસ્માત સર્જાયો છે. આ ગંભીર દુર્ઘટનામાં ૨૦ થી વધુ મુસાફરો ઈજાગ્રસ્ત થયા છે, જેના કારણે ઘટનાસ્થળે અફરાતફરીનો માહોલ સર્જાયો હતો. અકસ્માતની જાણ થતાં જ પોલીસ અને રાહત ટીમો તાત્કાલિક સ્થળ પર પહોંચી ગઈ હતી અને સ્થાનિક લોકોની મદદથી ઈજાગ્રસ્તોને બસમાંથી બહાર કાઢવામાં આવ્યા હતા. તમામ ઈજાગ્રસ્તોને તાકીદે નજીકની હોસ્પિટલમાં સારવાર અર્થે ખસેડવામાં આવ્યા છે. હાલ પોલીસ દ્વારા અકસ્માતના સાચા કારણો જાણવા માટે કાનૂની તપાસ શરૂ કરવામાં આવી છે.