VIDEO: ભગવાન રામની અકબર સાથે સરખામણી કરી ભરાઈ આ શિક્ષિકા, જાણો શું છે સમગ્ર મામલો

સિવિલ સર્વિસ પરીક્ષાની દુનિયાની જાણીતી વ્યક્તિ શુભ્ર રંજન વિવાદોમાં ફસાઈ છે. તેણે ક્લાસમાં બાળકોને ભણાવતી વખતે ભગવાન રામની સરખામણી મુઘલ સમ્રાટ અકબર સાથે કરી હતી. શુભ્રા રંજનનો આ વીડિયો સોશિયલ મીડિયા પર વાયરલ થયો છે. આવી સ્થિતિમાં ઘણા લોકો શુભ્રાની ટીકા કરવા લાગ્યા. હવે શુભ્રા રંજને પણ નિવેદન જારી કરીને આ મામલે સ્પષ્ટતા કરી છે. તો ચાલો જાણીએ શું છે સમગ્ર મામલો?

શુભ્રા રંજને માફી માંગી

શુભ્રા રંજને  ભગવાન રામ અને અકબરની સરખામણી કરવા બદલ માફી માંગી છે. X પ્લેટફોર્મ પર ટ્વીટ શેર કરતા તેણે લખ્યું, મારો ઈરાદો કોઈની ભાવનાઓને ઠેસ પહોંચાડવાનો નહોતો. જો આવું થયું હોય તો હું તેના માટે માફી માંગુ છું. જો તમે આખો વિડિયો જોશો, તો તમે સમજી શકશો કે હું બાળકોને સમજાવવા માંગતી હતી કે, ભગવાન શ્રી રામનું રાજ્ય એક આદર્શ રાજ્ય હતું. વાયરલ થઈ રહેલો વીડિયો ક્લાસનો એક નાનકડો ભાગ છે. આ વાતચીત તુલનાત્મક અભ્યાસનો એક ભાગ હતો. આના કારણે થયેલી કોઈપણ ગેરસમજને કારણે મને ખેદ છે.

X પર જુઓ

શુભ્રા રંજનનો વાયરલ વીડિયો

શુભ્રા રંજનના ક્લાસનો વીડિયો સામે આવ્યો છે. આ વીડિયોમાં શુભ્રા કહે છે કે ભગવાન રામમાં અપાર શક્તિઓ છે પરંતુ તેઓ રીત-રિવાજો અને પરંપરાઓથી બંધાયેલા છે. બીજી બાજુ, અકબરે પોતાનો ધર્મ શરૂ કર્યો અને નૈતિકતાની નવી વ્યાખ્યા નક્કી કરી. આપણે તેને દીન-એ-ઇલાહી તરીકે જાણીએ છીએ. તેથી જ્યારે રામ નૈતિકતાનું પાલન કરી રહ્યા છે, ત્યારે અકબરે નૈતિકતાના ધોરણો પોતાના અનુસાર નક્કી કર્યા છે. દેખીતી રીતે બેમાં સૌથી શક્તિશાળી રાજા અકબર છે.

X પર જુઓ

કોણ છે શુભ્રા રંજન?

શુભ્રા રંજનનું નામ યુપીએસસીના પ્રખ્યાત શિક્ષકોમાં સામેલ છે. તે શુભ્ર રંજન IAS કોચિંગ સેન્ટરના સ્થાપક છે. ઉત્તર પ્રદેશના સીતાપુરની રહેવાસી શુભ્રા રંજન દિલ્હી યુનિવર્સિટીની ટોપર રહી ચૂકી છે. અલબત્ત તેણે ક્યારેય સિવિલ સર્વિસની પરીક્ષા આપી નથી. પરંતુ શુભ્રા રંજનના માર્ગદર્શનમાં દેશને ઘણા સક્ષમ અધિકારીઓ મળ્યા છે. 2015માં UPSC ટોપર ટીના ડાબીને પણ શુભ્રા રંજને ભણાવ્યું હતું. જ્યારે 2022ની ટોપર ઈશિતાએ પણ શુભ્રા પાસેથી પોલિટિકલ સાયન્સનું શિક્ષણ લીધું હતું.