સુપ્રીમ કોર્ટના ભૂતપૂર્વ ન્યાયાધીશ રામસુબ્રમણ્યમ રાષ્ટ્રીય માનવ અધિકાર આયોગના અધ્યક્ષ તરીકે નિયુક્ત

સુપ્રીમ કોર્ટના ભૂતપૂર્વ ન્યાયાધીશ રામસુબ્રમણ્યમને રાષ્ટ્રીય માનવ અધિકાર પંચ NHRCના નવા વડા તરીકે નિયુક્ત કરવામાં આવ્યા છે. જસ્ટિસ (નિવૃત્ત) અરુણ કુમાર મિશ્રાએ 1 જૂને તેમનો કાર્યકાળ પૂર્ણ કર્યા પછી NHRC અધ્યક્ષનું પદ ખાલી પડ્યું હતું.

NHRCના નવા અધ્યક્ષ રામસુબ્રમણ્યમ કોણ છે?

મદ્રાસ લો કોલેજમાંથી કાયદાનો અભ્યાસ કરનાર રામસુબ્રમણ્યમનો જન્મ 30 જૂન 1958ના રોજ થયો હતો. તેમના ગૃહ જિલ્લામાં શાળાનો અભ્યાસ પૂર્ણ કર્યા પછી, તેમણે રામકૃષ્ણ મિશન વિવેકાનંદ કોલેજ, ચેન્નાઈમાંથી સ્નાતક કર્યું. કાયદાનો અભ્યાસ પૂર્ણ કર્યા પછી, તેમણે 1983 માં કાયદાની પ્રેક્ટિસ શરૂ કરી. લગભગ બે દાયકા સુધી મદ્રાસ હાઈકોર્ટમાં કાયદાની પ્રેક્ટિસ કર્યા પછી, તેમણે 2006માં હાઈકોર્ટમાં જજ તરીકેનો કાર્યભાર સંભાળ્યો.