પંજાબ: અમૃતસરના ફતેહગઢ ચુડીયા પોલીસ સ્ટેશન પર ગ્રેનેડ હુમલો

પંજાબ: અમૃતસરના ફતેહગઢ ચુડીયા પોલીસ સ્ટેશન પર ગ્રેનેડ હુમલાની માહિતી સામે આવી છે. આ પહેલા પણ પંજાબમાં પોલીસ સ્ટેશનો પર ઘણા ગ્રેનેડ હુમલા થઈ ચૂક્યા છે. આજે પણ અમૃતસરમાં ગ્રેનેડ હુમલો થયો.

પંજાબમાં આતંકવાદીઓએ ફરી એક પોલીસ ચોકીને નિશાન બનાવી છે. ફતેહગઢ ચુડિયાં બાયપાસ પોલીસ ચોકી પર બે બાઇક સવાર આતંકવાદીઓએ ગ્રેનેડથી હુમલો કર્યો. ગુનો કર્યા પછી બંને આતંકવાદીઓ ભાગી ગયા.

ઘટના પછી ચોકી પર તૈનાત પોલીસકર્મીઓએ બાઇક સવારોનો પીછો કર્યો, પરંતુ આતંકવાદીઓ ઘણા દૂર ચાલ્યા ગયા. ગ્રેનેડ હુમલા બાદ પોલીસ કમિશનર ગુરપ્રીત સિંહ ભુલ્લર ઘટનાસ્થળે પહોંચી ગયા છે. 

પોલીસ કમિશનર ગુરપ્રીત સિંહ ભુલ્લરે જણાવ્યું હતું કે ફતેહગઢ ચુડિયાં  બાયપાસ પરની ચોકી ઘણા સમયથી બંધ છે. અમારી પાસે ત્યાં એક ચેકપોસ્ટ હતી અને વિસ્ફોટ જેવો અવાજ સંભળાયો, જેના કારણે રસ્તાને થોડું નુકસાન થયું. આસપાસની દિવાલોને કોઈ નુકસાન થયું નથી તેથી તેને ગ્રેનેડ હુમલો કહી શકાય નહીં. અમને માહિતી મળતાની સાથે જ અમારા ઇન્સ્પેક્ટર અને હું પોતે અહીં પહોંચ્યા અને સમગ્ર મામલાની તપાસ કરવામાં આવી રહી છે.