Video: ઇટાવામાં પિતાની હત્યાના કેસમાં પોલીસે સગીર યુવતી અને તેના પ્રેમીની ધરપકડ કરી

ઉત્તર પ્રદેશના ઇટાવામાં પિતાની હત્યાના કેસમાં પોલીસે સગીર યુવતી અને તેના પ્રેમીની ધરપકડ કરી છે. પોલીસના જણાવ્યા અનુસાર, સંબંધને લઈને થયેલા વિવાદ બાદ પિતાની હત્યા કરવામાં આવી હોવાનો આરોપ છે. હત્યા બાદ મૃતદેહને ધાબળામાં લપેટીને એક ટ્રંકમાં છુપાવવામાં આવ્યો હોવાની વિગતો પણ સામે આવી છે. ઘટનાની જાણ થતાં પોલીસે તપાસ હાથ ધરી હતી અને શંકાના આધારે બંને આરોપીઓને ઝડપી પાડ્યા હતા. ઇટાવાના એસએસપી બ્રિજેશ કુમાર શ્રીવાસ્તવે આ મામલે પોલીસની કાર્યવાહી અંગે માહિતી આપી હતી. હાલ પોલીસ દ્વારા કેસના તમામ પાસાઓની વધુ તપાસ કરવામાં આવી રહી છે.