'વિપક્ષે પોતાના જ પગ પર કુહાડી મારી', રાહુલ ગાંધીનું નામ લીધા વિના PM મોદીના પ્રહાર

પ્રધાનમંત્રી નરેન્દ્ર મોદીએ આજે સંસદ લાઇબ્રેરી ભવનમાં ભાજપની આગેવાની હેઠળની NDA સંસદીય દળની બેઠક બોલાવી હતી. આ બેઠકમાં PM મોદીએ રાહુલ ગાંધીનું નામ લીધા વિના તેમના પર પ્રહાર કર્યા. PM મોદીએ કહ્યું કે, તેઓ કંઈ પણ કહેતા રહે છે. તેમની બાલિશતા દેશે જોઈ છે. સુપ્રીમ કોર્ટે પણ તેમને ઠપકો આપ્યો.

આ પણ વાંચો :

મહારાષ્ટ્રમાં 27 ટકા OBC આરક્ષણ સાથે થશે સ્થાનિક સંસ્થાઓની ચૂંટણીઓ, સુપ્રીમ કોર્ટ આપ્યો નિર્ણય

દુષ્કર્મ અને હત્યાના આરોપીને 40 દિવસની પેરોલ, ગુરમીત રામ રહિમ જેલમાંથી આવ્યો બહાર

PM મોદીએ વિપક્ષની ટીકા કરી

NDA સંસદીય દળની બેઠકમાં PM મોદીએ ઓપરેશન સિંદૂર પર ચર્ચાની માંગ કરવા બદલ વિપક્ષની ટીકા કરતા આ માંગને વ્યૂહાત્મક ભૂલ ગણાવતા કહ્યું કે, આ તેમને જ ભારે પડશે.

સુપ્રીમ કોર્ટથી મોટો કોઈ ઠપકો ન હોઈ શકે

ચીન દ્વારા જમીન હડપ કરવાના આરોપો પર સુપ્રીમ કોર્ટે કરેલી કોંગ્રેસ નેતા રાહુલ ગાંધીની ટીકાને મહત્ત્વપૂર્ણ બતાવી હતી. પીએમ મોદીએ કહ્યું કે, 'ગઈકાલે સુપ્રીમ કોર્ટે આપેલા ઠપકાથી મોટો કોઈ બીજો ઠપકો ન હોઈ શકે.' જ્યારે સુપ્રીમ કોર્ટે પોતે આવું કહ્યું છે, તો આપણે બીજું શું કહી શકીએ. આ ફક્ત પથ્થર પર પગ મૂકવા જેવું નથી. આ તો સાંઢને  આક્રમણ કરવા આમંત્રિત કરવા જેવું છે.

વિપક્ષે પોતાના પગમાં જ કુહાડી મારી

NDAની બેઠક દરમિયાન પીએમ મોદીએ એવું પણ સૂચન કર્યું કે, વિપક્ષ દ્વારા કરવામાં આવતી ચર્ચા આપણા પક્ષમાં કામ કરે છે. વિપક્ષે દરરોજ આવી ચર્ચાઓ કરવી જોઈએ. આ આપણો વિસ્તાર છે, આ મારો વિસ્તાર છે. ભગવાન અહીં મારી સાથે છે. આવી ચર્ચાઓની માંગણી કરીને, વિપક્ષે પોતાના પગમાં જ કુહાડી મારી છે."