રતન ટાટાના વસિયતનામામાં નવો ખુલાસો, ભૂતપૂર્વ કર્મચારીને ૮૦૦ કરોડ રૂપિયા, ખાસ મિત્રને જંગી મિલકત!
છેલ્લું અપડેટ : 01 Apr 2025
રતન ટાટાના વસિયતનામા અંગે ફરી એકવાર મોટો ખુલાસો થયો છે. રિપોર્ટમાં જણાવવામાં આવ્યું છે કે કોને શું અને કેટલી મિલકત આપવામાં આવી છે. અગ્રણી ઉદ્યોગપતિએ તેમની સંપત્તિનો મોટો ભાગ, રૂ. ૩,૮૦૦ કરોડ પરોપકાર માટે દાન કરી દીધો જેથી તેમના દાનનો વારસો તેમના જીવનકાળ પછી પણ ચાલુ રહે. રતન ટાટાના 23 ફેબ્રુઆરી, 2022 ના રોજના વસિયતનામામાં તેમની સંપત્તિ પરિવાર, નજીકના મિત્રો અને સખાવતી સંસ્થાઓ વચ્ચે વહેંચવામાં આવી છે.
રતન ટાટાની સંપત્તિનો મોટો હિસ્સો, જેમાં ટાટા સન્સના શેરનો સમાવેશ થાય છે, તે રતન ટાટા એન્ડોમેન્ટ ફાઉન્ડેશન અને રતન ટાટા એન્ડોમેન્ટ ટ્રસ્ટને ફાળવવામાં આવે છે, જે બંને પરોપકારી પહેલ માટે સમર્પિત છે. આ સિવાય ટાટાના સેક્રેટરી દિલનાઝ ગિલ્ડરને 10 લાખ રૂપિયા મળશે, જ્યારે ઘરેલુ સ્ટાફ અને ડ્રાઇવરો - રાજન શો પરિવારને 50 લાખ રૂપિયા અને અને સુબ્બૈયા કોનારને 30 લાખ રૂપિયા મળશે.
ભૂતપૂર્વ કર્મચારીને એક તૃતીયાંશ હિસ્સો
લાભાર્થીઓમાં ટાટા ગ્રુપના ભૂતપૂર્વ સહાયક મોહિની એમ દત્તાને તેમની નાણાકીય સંપત્તિનો ત્રીજો ભાગ મળશે, જેની અંદાજિત કિંમત 800 કરોડ રૂપિયા છે. તેમની સાવકી બહેનો શિરીન અને ડીના જીજીભોયને આ મિલકતોમાં સમાન હિસ્સો મળશે.
જુહુનો બંગલો તેમના ભાઈ જીમી ટાટા (82) ને વારસામાં મળ્યો હતો, જે પરિવારના એકમાત્ર હયાત વારસદાર હતા. સિમોન ટાટા અને નોએલ ટાટા સહિત અન્ય સંબંધીઓમાં વહેંચવામાં આવશે. તેમની અલીબાગ મિલકત નજીકના મિત્ર મેહલી મિસ્ત્રીને સોંપવામાં આવી છે, જેમને ટાટાએ "આ મિલકત સંભવ બનાવવામાં મુખ્ય ભૂમિકા" ભજવવાનો શ્રેય આપ્યો હતો.
પાલતુ પ્રાણીઓની સંભાળ રાખવા માટે ૧૨ લાખ રૂપિયા અને લોન માફી
ટાટાના વસિયતનામામાં પ્રાણીઓને પણ સ્થાન મળ્યું છે. તેમના પ્રિય પાલતુ પ્રાણીઓની સંભાળ માટે ૧૨ લાખ રૂપિયાની રકમ અલગ રાખી છે, જેનાથી તેમને દર ક્વાર્ટરમાં તેમના જાળવણી માટે ૩૦,૦૦૦ રૂપિયા મળશે. ટાટાએ તેમના સહાયક શાંતનુ નાયડુને આપવામાં આવેલી શિક્ષણ લોન પણ માફ કરી દીધી છે.
