VIDEO : મુંબઈમાં મેઘરાજાની ધમાકેદાર બેટિંગ
છેલ્લું અપડેટ : 28 Jun 2026
મહારાષ્ટ્રની રાજધાની મુંબઈમાં મેઘરાજાએ ધમાકેદાર બેટિંગ શરૂ કરતાં અતિભારે વરસાદના કારણે માયાનગરી પાણી-પાણી થઈ ગઈ છે. મુંબઈના વડાલા સહિતના અનેક નીચાણવાળા વિસ્તારોમાં મુશળધાર વરસાદને પગલે ઘૂંટણસમા પાણી ભરાઈ જતાં જનજીવન અસ્તવ્યસ્ત બન્યું છે. જેના કારણે સવારના સમયે નોકરી-ધંધે જતાં વાહનચાલકો ભારે મુશ્કેલીમાં મુકાયા છે. ભારે જલભરાવના લીધે મુંબઈની લાઈફલાઈન ગણાતી લોકલ ટ્રેન સેવાઓ તેમજ રોડ ટ્રાફિકને ખૂબ મોટી નકારાત્મક અસર પહોંચી છે અને વાહનોની લાંબી લાઈનો લાગી છે. મુંબઈ મહાનગરપાલિકાના આપત્તિ પ્રબંધન વિભાગ દ્વારા પંપિંગ સ્ટેશનો શરૂ કરીને રસ્તા પરથી પાણીના નિકાલ માટેની કામગીરી યુદ્ધના ધોરણે હાથ ધરવામાં આવી છે. હવામાન વિભાગે આગામી ચોવીસ કલાક માટે મુંબઈ અને તેની આસપાસના વિસ્તારોમાં રેડ એલર્ટ જાહેર કરીને લોકોને બિનજરૂરી બહાર ન નીકળવાની કડક સૂચના આપી છે. વરસાદનું જોર જો જોતજોતામાં આવું જ રહેશે તો પરિસ્થિતિ વધુ વણસવાની અને મુંબઈના અન્ય મુખ્ય માર્ગો પણ બંધ થવાની પૂરેપૂરી આશંકા સેવાઈ રહી છે.
