Video: ઉડુપી શિપયાર્ડની મોટી સિદ્ધિ

કર્ણાટકના ઉડુપીમાં ઉડુપી કોચિન શિપયાર્ડ દ્વારા નોર્વેની કંપની વિલ્સન એએસએ માટે બનાવવામાં આવી રહેલા આઠ માલવાહક જહાજોમાંથી પ્રથમ જહાજનું લોન્ચિંગ કરવામાં આવ્યું હતું. 6,300 ડેડવેઇટ ટનેજ ક્ષમતા ધરાવતા આ જહાજના લોન્ચિંગ સાથે શિપયાર્ડે મહત્વપૂર્ણ સિદ્ધિ હાંસલ કરી છે. આ પ્રસંગે અન્ય બે જહાજો માટે કીલ લેઇંગ એટલે કે પાયાની કામગીરી અને સ્ટીલ કટિંગ સમારોહ પણ યોજાયા હતા. આ પ્રોજેક્ટ આંતરરાષ્ટ્રીય જહાજ નિર્માણ ક્ષેત્રે ભારતની ક્ષમતા દર્શાવે છે. આઠ જહાજોના નિર્માણથી ભારત અને નોર્વે વચ્ચેના ઔદ્યોગિક સહયોગને પણ વેગ મળવાની અપેક્ષા છે.