'મને જેલમાંથી બહાર કાઢો', કેજરીવાલે સુપ્રીમ કોર્ટનો દરવાજો ખખડાવ્યો

કથિત લિકર કૌભાંડ મામલે મનીષ સિસોદિયાને જામીન મળ્યા બાદ હવે દિલ્હીના મુખ્યમંત્રી અરવિંદ કેજરીવાલે જામીન માટે સુપ્રીમ કોર્ટનો દરવાજો ખખડાવ્યો છે. કેજરીવાલે CBI કેસમાં પોતાની ધરપકડને પડકાર આપવાની સાથે જામીન માટે અરજી કરી છે. આમ આદમી પાર્ટીના રાષ્ટ્રીય સંયોજકને મની લૉન્ડ્રિંગ કેસમાં પહેલા જ સુપ્રીમ કોર્ટ વચગાળાના જામીન આપી ચુક્યું છે.

કેજરીવાલે દિલ્હી હાઇકોર્ટના 5 ઓગસ્ટના ચુકાદાને પડકાર આપ્યો છે.કેજરીવાલની અરજીને ચીફ જસ્ટિસ ઓફ ઇન્ડિયા ડીવાય ચંદ્રચુડ સામે ઉઠાવતા સીનિયર વકીલ અભિષેક મનુ સિંઘવીએ કહ્યું કે સેક્શન 45 (PML) હેઠળ ત્રણ જામીન આદેશ છે અને આ જામીન અરજી સેક્શન વગર 45ની છે. જેના પર CJIએ ઇમેલ કરવા કહ્યું છે.

મનીષ સિસોદિયાને મળ્યા જામીન

દિલ્હીના મુખ્યમંત્રી કેજરીવાલની આ અરજી એવા સમયે દાખલ કરવામાં આવી છે જ્યારે બે દિવસ પહેલા જ મનીષ સિસોદિયાને CBI અને ED કેસમાં જામીન મળ્યા છે. સિસોદિયાને જામીન આપતા સુપ્રીમ કોર્ટે કહ્યું હતું કે તે 17 મહિનાથી જેલમાં બંધ છે અને જલદી ટ્રાયલ શરૂ થવાની કોઇ સંભાવના નથી.