ઇન્સ્ટા પર દોસ્તી, નૈનીતાલમાં મુલાકાત... 1 લાખ ફોલોઅર્સવાળી ઇન્ફ્લુએન્સરે પ્રેમમાં ફસાવીને ખેલ્યો બ્લેકમેલિંગનો ખેલ

સંભલ: સોશિયલ મીડિયા પર ફેમસ થવાના ક્રેઝ વચ્ચે હવે તેના દુરુપયોગની ઘટનાઓ પણ વધી રહી છે. સંભલ જિલ્લામાં એક હાઈપ્રોફાઈલ બ્લેકમેલિંગનો મામલો સામે આવ્યો છે, જેમાં ૧ લાખ ફોલોઅર્સ ધરાવતી અરીશા નામની સોશિયલ મીડિયા ઇન્ફ્લુએન્સર યુવતી અને તેના બે મિત્રો સામે પીડિત યુવકે પોલીસ ફરિયાદ નોંધાવી છે. પીડિતનો આરોપ છે કે તેને પ્રેમજાળમાં ફસાવી, આપત્તિજનક ફોટો-વીડિયો વાયરલ કરવાની ધમકી આપીને લાખો રૂપિયા પડાવવામાં આવ્યા છે.

આ પણ વાંચો :

Metaના સ્યુસાઇડ એલર્ટે બચાવ્યો યુવાનનો જીવ, ઇન્સ્ટાગ્રામ પોસ્ટ જોતાં જ એક્ટિવ થઈ પોલીસ

Thalapathy Vijay અને Trishaના બ્રેકઅપની ચર્ચા! એક્ટરના 52મા બર્થડે પર ત્રિશા મૌન, ઇન્સ્ટાગ્રામ પર પણ કર્યો અનફોલો

ઇન્સ્ટાગ્રામથી શરૂ થઈ લવ સ્ટોરી

પોલીસ ફરિયાદ (Complaint) મુજબ, સંભલના ચૌધરી સરાય વિસ્તારમાં રહેતા શાહરૂખ નામના યુવકની મુલાકાત ત્રણ વર્ષ પહેલાં ઇન્સ્ટાગ્રામ (Instagram) દ્વારા દીપા સરાયની રહેવાસી અરીશા સાથે થઈ હતી. ધીમે-ધીમે બંને વચ્ચે વાતચીત વધી અને દોસ્તી પ્રેમમાં બદલાઈ ગઈ. આ દરમિયાન બંને પોતપોતાના મિત્રો સાથે નૈનીતાલ ફરવા ગયા હતા, જ્યાં તેમની પહેલી મુલાકાત થઈ હતી. શાહરૂખનો આરોપ છે કે આ નિકટતા દરમિયાન તેના કેટલાક પર્સનલ અને આપત્તિજનક ફોટો-વીડિયો રેકોર્ડ કરી લેવામાં આવ્યા હતા, જે પાછળથી બ્લેકમેલિંગનું હથિયાર બન્યા.

આ પણ વાંચો :

ઇન્સ્ટા સ્ટોરી ચેક કરતાં જ ફૂટ્યો ભાંડો! પીજીમાં રહેતી વિદ્યાર્થિનીના નામે નકલી આઈડી બનાવનાર શખસ સામે FIR

Tech News/ ઇન્સ્ટાગ્રામ Ads મામલે META મુશ્કેલીમાં; બાળ જાતીય શોષણ સંબંધિત જાહેરાતો બતાવવા બદલ સરકાર મોકલશે નોટિસ

આપત્તિજનક ફોટો વાયરલ કરવાની ધમકી અને પૈસાની માંગણી

પીડિત યુવકે જણાવ્યું કે થોડા સમય પછી અરીશાએ તેના બે સાથીદારો અનસ અને શુએબ સાથે મળીને અસલી ખેલ શરૂ કર્યો. આ ટોળકીએ સોશિયલ મીડિયા પર ફોટો અને વીડિયો વાયરલ (Viral) કરવાની તેમજ ખોટા કેસમાં ફસાવી દેવાની ધમકી આપી શાહરૂખ પાસેથી ઓનલાઇન ટ્રાન્ઝેક્શન (Online Transaction) દ્વારા 55 હજાર રૂપિયા પડાવી લીધા. પીડિતે આ તમામ નાણાકીય વ્યવહારોના સ્ક્રીનશોટ (Screenshots) પણ પોલીસને પુરાવા તરીકે સોંપ્યા છે.

૨૦૨૩માં સ્ટેમ્પ પેપર પર થયો હતો કરાર:

શાહરૂખના જણાવ્યા અનુસાર, સતત વધી રહેલા વિવાદને કારણે 1 જુલાઈ 2023 ના રોજ બંને પક્ષો વચ્ચે સ્ટેમ્પ પેપર (Stamp Paper) પર કરાર થયો હતો, જેમાં યુવતીએ અગાઉના તમામ આરોપો ખોટા હોવાનું સ્વીકાર્યું હતું. પરંતુ થોડા મહિના શાંત રહ્યા બાદ, ફરી નવી સોશિયલ મીડિયા આઈડી (Social Media ID) અને અલગ-અલગ ફોન નંબરો પરથી ધમકીઓ આપીને વધુ ૨ લાખ રૂપિયાની માંગણી શરૂ કરવામાં આવી હતી.

પોલીસે ગુનો નોંધી તપાસ શરૂ કરી

શાહરૂખે દાવો કર્યો છે કે તે અત્યાર સુધીમાં અલગ-અલગ સમયે આશરે 4  લાખ રૂપિયા આપી ચૂક્યો છે. ફરિયાદ નોંધાયા પછી પણ તેને સતત ધમકીઓ મળી રહી છે.

સદર કોટવાલી પોલીસ સ્ટેશનના પ્રભારી સુધીર પંવારે જણાવ્યું કે, યુવકની અરજીના આધારે સોશિયલ મીડિયા ઇન્ફ્લુએન્સર અરીશા, અનસ અને શુએબ સામે ગુનો (FIR) દાખલ કરવામાં આવ્યો છે. પોલીસ હાલમાં:

બંને પક્ષોના સોશિયલ મીડિયા રેકોર્ડ્સ (Social Media Records) ચેક કરી રહી છે.

બેંક એકાઉન્ટના ટ્રાન્ઝેક્શન (Bank Transactions) ની તપાસ કરવામાં આવી રહી છે.

આરોપીઓની શોધખોળ માટે ચક્રો ગતિમાન કર્યા છે.

ઓર્ગેનાઈઝ્ડ ગેંગ ચલાવવાનો આક્ષેપ

પીડિત શાહરૂખનો આરોપ છે કે આ યુવતી અને તેના સાથીદારો એક સંગઠિત ગેંગ (Organized Gang) ની જેમ કામ કરે છે અને સોશિયલ મીડિયાના માધ્યમથી અન્ય લોકોને પણ આ જ રીતે શિકાર બનાવતા હોઈ શકે છે. જોકે, પોલીસ અધિકારીઓએ જણાવ્યું છે કે તપાસ અને પુરાવાઓના આધારે જ આગળની કાયદાકીય કાર્યવાહી (Legal Action) કરવામાં આવશે.