Video: ઉત્તર પ્રદેશમાં ચૂંટણી પહેલાં ચિરાગ પાસવાને પોતાની પાર્ટીની રાજકીય તૈયારીના સંકેત આપ્યા

કેન્દ્રીય મંત્રી અને લોક જનશક્તિ પાર્ટીના અધ્યક્ષ ચિરાગ પાસવાને ઉત્તર પ્રદેશ વિધાનસભા ચૂંટણીને લઈને મોટું નિવેદન આપ્યું છે. વારાણસીમાં એક સભાને સંબોધિત કર્યા બાદ પત્રકારો સાથે વાતચીતમાં તેમણે કહ્યું કે, યુપીમાં ગઠબંધનને લઈને હજુ સુધી કોઈ ઔપચારિક ચર્ચા શરૂ થઈ નથી. જો ગઠબંધન અંગે સહમતિ સધાય તો પાર્ટી સાથે મળીને ચૂંટણી લડવા તૈયાર છે. જોકે, ગઠબંધન નહીં થાય તો લોક જનશક્તિ પાર્ટી તમામ 403 વિધાનસભા બેઠકો પર પોતાના ઉમેદવારો ઉતારી શકે છે. ચિરાગ પાસવાને નાગાલેન્ડનું ઉદાહરણ આપતાં કહ્યું કે, ત્યાં પાર્ટીએ કોઈ ગઠબંધન વિના ચૂંટણી લડી હતી અને હાલમાં તેના બે ધારાસભ્યો છે. તેમણે કેન્દ્ર અને બિહારમાં NDA સાથેના ગઠબંધનનો પણ ઉલ્લેખ કર્યો હતો.