VIDEO: કેરળમાં આગામી સાત દિવસ દરમિયાન ભારેથી અતિભારે વરસાદની ચેતવણી
છેલ્લું અપડેટ : 04 Jun 2026
હવામાન વિભાગના અનુમાન મુજબ આગામી 24 કલાકમાં દક્ષિણ-પશ્ચિમ ચોમાસું કેરળમાં પ્રવેશ કરશે. કેરળમાં આગામી સાત દિવસ દરમિયાન ભારેથી અતિભારે વરસાદની ચેતવણી જાહેર કરવામાં આવી છે, જ્યારે તમિલનાડુ અને કર્ણાટકમાં પણ ભારે વરસાદની શક્યતા છે. ઉત્તર-પશ્ચિમ, મધ્ય, પૂર્વ અને દક્ષિણ ભારતના અનેક વિસ્તારોમાં 40થી 50 કિલોમીટર પ્રતિ કલાકની ઝડપે પવન સાથે ગાજવીજ થવાની આગાહી કરવામાં આવી છે. પૂર્વોત્તર રાજ્યો અરુણાચલ પ્રદેશ, આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં પણ આગામી દિવસોમાં ભારે વરસાદ વરસી શકે છે. આસામ અને મેઘાલયમાં 8 અને 9 જૂને અતિભારે વરસાદની સંભાવના વ્યક્ત કરવામાં આવી છે. દક્ષિણ ભારતના આંધ્ર પ્રદેશ, તેલંગાણા, રાયલસીમા, પુડુચેરી, કરાઈકલ અને લક્ષદ્વીપમાં પણ વરસાદી માહોલ સાથે તેજ પવનો ફૂંકાશે. હવામાન વિભાગે લોકોને સાવચેત રહેવા અને જરૂરી તકેદારી રાખવાની અપીલ કરી છે.
