હરિયાણાની હોટ સીટોનું અપડેટ પરિણામ, વિનેશ ફોગાટ, દુષ્યંત ચૌટાલા, અનિલ વિજની શું છે હાલત

હરિયાણા વિધાનસભા ચૂંટણી માટે મતગણતરી શરૂ થઈ ગઈ છે. અત્યાર સુધી શરૂઆતના વલણમાં ભાજપ 48, કોંગ્રેસ 36 બેઠક પર આગળ ચાલી રહ્યું છે જ્યારે INLD 1 અને અન્ય 5 બેઠક પર આગળ ચાલી રહ્યું છે. દરમિયાન, તમામની નજર રાજ્યની ગઢ ગણાતી સાંપલા કિલોઈ, લાડવા અને જુલાના જેવી હોટ બેઠકો પર છે. પૂર્વ સીએમ ભૂપિન્દર સિંહ હુડ્ડા કિલોઈથી મેદાનમાં છે, જેઓ હાલમાં સીએમ પદના દાવેદાર માનવામાં આવે છે. આ સિવાય વર્તમાન મુખ્યમંત્રી નાયબ સિંહ સૈની લાડવા બેઠક પરથી ચૂંટણી લડ્યા છે. ઓલિમ્પિયન રેસલર વિનેશ ફોગાટ જુલાનાની છે.  આ ઉપરાંત અંબાલા કેન્ટ બેઠક ઉપર પણ લોકોની નજર છે જ્યાં ભાજપના દિગ્ગજ નેતા અને 8 વખતના ધારાસભ્ય અનિલ વિજ ચૂંટણી લડ્યા છે.

હરિયાણા વિધાનસભા ચૂંટણીના પરિણામ આજે આવી રહ્યા છે. આ દરમિયાન તમામની નજર ભૂપિન્દર સિંહ હુડ્ડા અને સીએમ નાયબ સિંહ સૈનીની સીટ પર છે. આ સિવાય બધાની નજર પેરિસ ઓલિમ્પિકમાં રમી ચૂકેલી મહિલા રેસલર વિનેશ ફોગાટની સીટ પર પણ છે. ચાલો દરેક હોટ સીટના અપડેટ્સ જાણીએ...

લાડવા વિધાનસભા સીટ પર સીએમ નાયબ સિંહ સૈની 9671 વોટથી આગળ ચાલી રહ્યા છે. અહીં 8 રાઉન્ડની ગણતરી પૂરી થઈ ચૂકી છે. 
આદમપુર વિધાનસભા સીટ પર ભવ્ય બિશ્નોઈ આગળ ચાલી રહ્યા છે. તેમની લીડ 2000થી વધુ મતોની છે.
જુલાના વિધાનસભા બેઠક પર ટાઈટ ફાઈટ ચાલી રહી છે.  વિનેશ ફોગાટ હવે ફરી આગળ છે, 12 રાઉન્ડની મત ગણતરી બાદ 4654 મતથી આગળ છે. 
ગઢી સાંપલા કિલોઈ બેઠક પરથી ભૂપિન્દર સિંહ હુડ્ડા 36436 મતોથી આગળ ચાલી રહ્યા છે.
દુષ્યંત ચૌટાલા માટે આ ચૂંટણી નિરાશાજનક છે. તેઓ હાલમાં 11 હજાર મતોથી પાછળ છે.