VIDEO : અમેરિકા-ઈરાન શાંતિની આશા વચ્ચે સોનાના ભાવમાં જોરદાર ઉછાળો

અમેરિકા અને ઈરાન વચ્ચે શાંતિ સમજૂતી થવાની વધતી આશાને કારણે શુક્રવારે આંતરરાષ્ટ્રીય અને સ્થાનિક બજારમાં સોનાના ભાવમાં જોરદાર ઉછાળો જોવા મળ્યો છે. અમેરિકન પ્રમુખ ડોનાલ્ડ ટ્રમ્પ દ્વારા ઈરાન સામેના સૈન્ય હુમલા રદ કરવાની જાહેરાત અને સમજૂતીની વાતચીત અંતિમ તબક્કામાં હોવાના નિવેદનથી રોકાણકારોનો ભરોસો મજબૂત થયો છે. માર્કેટ એક્સપર્ટ્સના જણાવ્યા અનુસાર, ભલે આ ડીલમાં હજુ પણ કેટલીક અનિશ્ચિતતાઓ અને ખામીઓ હોય, પરંતુ બજાર અત્યારે તેજીમાં છે. આ વૈશ્વિક ઘટનાક્રમને કારણે ઓઇલની કિંમતો, અમેરિકન ડૉલર ઇન્ડેક્સ અને બૉન્ડ યીલ્ડમાં ઘટાડો નોંધાયો છે, જેના સીધા ફાયદા તરીકે સોના અને અન્ય જોખમી એસેટ્સના ભાવ ઉપર ચઢ્યા છે. આગામી સમયમાં આ શાંતિ મંત્રણામાં થનારી પ્રગતિ જ સોના-ચાંદીના ભવિષ્યની દિશા નક્કી કરશે.