પંજાબમાં કોંગ્રેસના પૂર્વ ધારાસભ્ય કુશલદીપ સિંહ ઉર્ફે કિક્કી ધિલ્લોન મની લોન્ડરિંગ કેસની તપાસના મામલે  જાલંધર સ્થિત  ઈડીની ઓફિસ સમક્ષ હાજર થયા છે. આવક કરતાં વધુ સંપત્તિ   નાણાકીય ગેરરીતિઓના મામલે કેન્દ્રીય એજન્સી દ્વારા તેમની સઘન પૂછપરછ કરવામાં આવી રહી છે. કિક્કી ધિલ્લોન અગાઉ ફરીદકોટથી કોંગ્રેસના ધારાસભ્ય રહી ચૂક્યા છે. ED ની સ્વતંત્ર મની લોન્ડરિંગ તપાસ સીધી રીતે વિજિલન્સ બ્યુરોની તપાસ સાથે જોડાયેલી છે, જેમાં ધિલ્લોન પર ૨૦૧૭ થી ૨૦૨૨ સુધીના તેમના કાર્યકાળ દરમિયાન આવકના જાણીતા સ્ત્રોતો કરતાં ઘણી વધુ સંપત્તિ એકઠી કરવાનો આરોપ મૂકવામાં આવ્યો છે. અધિકારીઓનો આક્ષેપ છે કે તેમણે ફરીદકોટના મુમારા ગામમાં એક સહયોગીના નામે ૪૨ એકર જમીન ખરીદી હતી, તેમજ પરિવારના સભ્યો અને મદદગારોના માધ્યમથી અન્ય મિલકતો પણ ખરીદી હતી.