VIDEO: કાનપુરમાં પાયવુડના ગોડાઉનમાં આગ

કાનપુરમાં સંગીત ટોકીઝ પાસે આવેલા એક પાયવુડના ગોડાઉનમાં શોર્ટ-સર્કિટને કારણે ભીષણ આગ ફાટી નીકળી હતી. આગની જ્વાળાઓ એટલી પ્રચંડ હતી કે આસપાસના વિસ્તારોમાં દોડધામ મચી ગઈ હતી. ઘટનાની જાણ થતાં જ ફાયર બ્રિગેડની અનેક ગાડીઓ તાત્કાલિક ઘટનાસ્થળે પહોંચી હતી અને ભારે જહેમત બાદ આગ પર કાબૂ મેળવવામાં સફળતા મળી હતી. આ અંગે માહિતી આપતા કાનપુરના મુખ્ય અગ્નિશમન અધિકારી  દીપક શર્માએ જણાવ્યું હતું કે આગ લાગવાનું પ્રાથમિક કારણ શોર્ટ-સર્કિટ હોવાનું જણાય છે. સદનસીબે આ ઘટનામાં કોઈ જાનહાનિ થઈ નથી. અમારી ટીમે સમયસર કાર્યવાહી કરીને આગને ફેલાતી અટકાવી છે અને હાલમાં પરિસ્થિતિ સંપૂર્ણ નિયંત્રણમાં છે. ફાયર વિભાગે પાયવુડના ગોડાઉનમાં રહેલા જ્વલનશીલ પદાર્થોને કારણે સાવચેતીના પગલાં તરીકે કુલિંગની પ્રક્રિયા હાથ ધરી હતી.