"ડ્રેગન ઝૂક્યું કે નવો દાવ? પીએમ મોદીના બોલાવવા પર શી જિનપિંગનું ભારત આગમન કન્ફર્મ, જાણો ઇનસાઇડ સ્ટોરી"
છેલ્લું અપડેટ : 10 Sept 2026
ભારત અને ચીન વચ્ચેના સંબંધો તેમજ વૈશ્વિક રાજકારણના સંદર્ભમાં એક અત્યંત મોટો રાજદ્વારી વળાંક સામે આવ્યો છે. ભારતના વડાપ્રધાન નરેન્દ્ર મોદીના ખાસ આમંત્રણને સ્વીકારીને ચીનના રાષ્ટ્રપતિ શી જિનપિંગ નવી દિલ્હી ખાતે યોજાનારી 18મી BRICS સમિટમાં ભાગ લેવા માટે ભારત આવશે. ચીનના વિદેશ મંત્રાલય દ્વારા આ અંગે સત્તાવાર પુષ્ટિ કરવામાં આવી છે.
ચીની વિદેશ મંત્રાલયે જાહેર કરેલી માહિતી અનુસાર, રાષ્ટ્રપતિ શી જિનપિંગ 12થી 13 સપ્ટેમ્બર દરમિયાન નવી દિલ્હીમાં આયોજિત 18મી BRICS સમિટમાં ઉપસ્થિત રહેશે.
ભારત આ વખતે BRICS સમિટનું યજમાનપદ કરી રહ્યું છે, ત્યારે ચીની રાષ્ટ્રપતિની આ ભારત મુલાકાતને આંતરરાષ્ટ્રીય કૂટનીતિના સ્તરે અત્યંત મહત્વપૂર્ણ માનવામાં આવી રહી છે. વૈશ્વિક આર્થિક સ્થિતિ, ભૌગોલિક-રાજકીય સમીકરણો અને દ્વિપક્ષીય સંબંધોના તણાવ વચ્ચે પીએમ મોદી અને રાષ્ટ્રપતિ જિનપિંગની એક જ મંચ પર ઉપસ્થિતિ અને સંભવિત ચર્ચાઓ પર સમગ્ર વિશ્વની નજર ટકેલી રહેશે.
