Video: દિગ્વિજય સિંહે ઉજ્જૈનથી સત્ય સનાતન સ્વાભિમાન યાત્રા પુનઃ શરૂ કરી

મધ્ય પ્રદેશના ઉજ્જૈન શહેરથી કોંગ્રેસના વરિષ્ઠ નેતા દિગ્વિજય સિંહે પોતાની 'સત્ય સનાતન સ્વાભિમાન યાત્રા' ફરી એકવાર ઉત્સાહભેર શરૂ કરી છે.ભગવાન મહાકાલેશ્વરના આશીર્વાદ લઈને અયોધ્યા તરફ આગળ વધી રહેલી આ યાત્રા દરમિયાન તેમણે શ્રદ્ધાળુઓ અને કાર્યકરોને "બમ બમ ભોલે, જે સીયા રામ" ના નારા લગાવવા માટે આહ્વાન કર્યું હતું.દિગ્વિજય સિંહે જણાવ્યું કે આ યાત્રાનો મુખ્ય ઉદ્દેશ્ય સનાતન ધર્મના સાચા મૂલ્યો, સત્ય અને સ્વાભિમાનનો સંદેશ સમાજ સુધી પહોંચાડવાનો છે.ઉજ્જૈનથી અયોધ્યા તરફ પ્રસ્થાન કરતી વખતે  મોટી સંખ્યામાં સમર્થકો ભક્તિમય માહોલમાં જોડાતા જોવા મળ્યા હતા.ધાર્મિક અને રાજકીય દ્રષ્ટિકોણથી આ યાત્રાને અત્યંત મહત્વપૂર્ણ માનવામાં આવી રહી છે, જે સમગ્ર પંથકમાં ભારે આકર્ષણનું કેન્દ્ર બની છે.