ચંદુ બોક્સ ઓફિસ પર પણ ચેમ્પિયન, કાર્તિક આર્યનની ફિલ્મે પહેલા વીકેન્ડ પર કરી બમ્પર કમાણી

કાર્તિક આર્યનની ફિલ્મ 'ચંદુ ચેમ્પિયન'ને દર્શકો અને વિવેચકો તરફથી સકારાત્મક પ્રતિસાદ મળી રહ્યો છે. પેરાલિમ્પિક ગોલ્ડ મેડલ વિજેતા મુરલીકાંત પેટકરની ભૂમિકામાં ચાહકો તેને ખૂબ પસંદ કરી રહ્યા છે. ભલે ફિલ્મે પહેલા દિવસે અપેક્ષા કરતા ઓછી કમાણી કરી હતી. ફિલ્મે 4 કરોડ 75 લાખની કમાણી કરી હતી. કોરોના પછી રિલીઝ થયેલી કાર્તિક આર્યનની ફિલ્મોમાં 'ચંદુ ચેમ્પિયન'નું ઓપનિંગ ડે કલેક્શન અત્યાર સુધીનું સૌથી ઓછું છે. જોકે બીજા અને ત્રીજા દિવસે ફિલ્મની કમાણીમાં જોરદાર ઉછાળો જોવા મળ્યો હતો. જાણો કાર્તિક આર્યનની ફિલ્મે અત્યાર સુધી કેટલી કમાણી કરી છે.

ચંદુ ચેમ્પિયને વીકેન્ડ પર આટલી કમાણી કરી હતી

એક અંદાજ મુજબ, કાર્તિક આર્યનની 'ચંદુ ચેમ્પિયન' ત્રીજા દિવસે 10 કરોડ રૂપિયાની કમાણી કરી છે. જ્યારે બીજા દિવસે ફિલ્મે 16.75 કરોડની કમાણી કરી હતી. આ સાથે જ ત્રણ દિવસમાં ફિલ્મની કુલ કમાણી 21.75 કરોડ રૂપિયા પર પહોંચી ગઈ છે. આવનારા સમયમાં આ ફિલ્મ આનાથી વધુ કમાણી કરી શકે તેવી આશા છે.

'ચંદુ ચેમ્પિયન' ફિલ્મ વિષે 

કબીર ખાનની આ ફિલ્મમાં કાર્તિક આર્યન ભારતના પ્રથમ પેરાલિમ્પિક ગોલ્ડ મેડલ વિજેતા મુરલીકાંત પેટકરની ભૂમિકામાં છે. કબીર ખાન દ્વારા નિર્દેશિત ફિલ્મ 'ચંદુ ચેમ્પિયન' એક બાયોપિક છે. કાર્તિક આર્યન ઉપરાંત, ફિલ્મમાં ભુવન અરોરા, યશપાલ શર્મા, રાજપાલ યાદવ, અનિરુદ્ધ દવે, વિજય રાઝ, પલક લાલવાણી અને ભાગ્યશ્રી બોરસે પણ છે.